لؤلؤة أتمناها

موضوع: لؤلؤة أتمناها الإثنين يونيو 18, 2007 8:16 am

فتاة رقيقة جميلة متدينة محترمة ........................... لن أتابع سرد محاسنها فلا تكفي صفحات ولا مجلدات لسردها.
قابلتها في إحدى مراحلي الدراسية ولظروف هذه الدراسة اجتمعنا بمشروع واحد وكنا جروب يحتوي على البنات والشباب ورغم أني شخص أدعي أني رومانسي لكن الحياة علمتني أن أزن كل شئ بعقلي ولذلك حين شعرت بإنجذابي لها أحكمت عقلي لدراستها فوجدت أنها متدينة تجبر الآخرين على إحترامها لعدم خضوعها بالقول حين تتحدث تحث من حولها على الطاعات جميلة جمال هادئ طبيعي دون أي تبرج وضح من إرتباكها حين تتحدث عدم دخولها في علاقات سابقة إلى جانب أن هذه الدراسة إمتدت لشهور ولعدد ساعات طويلة يومياً.
ولكن لأني أحسبها بعقلي فوجدت أن هذه الجوهرة يجب ألا تضيع من يدي كزوجة مستقبل ولكن فكرة مصارحتها كانت مستحيلة لعدة نقط.
أولاً: لم يكن لدي المال الذي يجعلني أتخذ هذه الخطوة.
أعتقد أن أولاً كافية لعدم مصارحتها ولكن قد يقول لي أحدكم ولما لا وتعدها لذلك سأذكر ثانياً.
ثانياً: لست ممن يشغل عقل إحداهما بوعود لا أملكها في يدي حالياً.
ثالثاً: إحترامي لها يجبرني على إخفاء مشاعري حتى لا أسمح أحد بالنظر إليها نظرة تقتلني
رابعاً: كيف أشغل عقل جوهرة _ أقصد فتاة أنقى من الجوهرة .
فهي جوهرة بكل معنى الكلمة - جوهرة ظلت داخل محارها في قاع بحر لا تمسها يد بشر ذهب أمهر الغطاسين وعانى الأمرين لإخراجها ووضعها بأفضل المغلفات القطيفة لا تعرض فالكل يعلم غلاوتها فأتمنى أن أكون شاريها دافع أغلى وأعز ما أملك للإحتفاظ بها

طب انته يابن الناس ليه متكلمهاش وتحافظ عليها وتبقي في حمايتك انته من عين اي حد تاني وانته اكتر واحد في العالم هيقدر الجوهره لأنك اكتر واحد عارف ايمتها كويس ... بس في سؤال انته لسه بتشوفها ولا الموضوع انتهي بمجرد انتهاء الدراسه سواء ديه كورسات او جيل المستقبل اي كورسات يعني المهم بتشوفها ؟.؟.؟.؟

موضوع جميل ومهم

kimo

شكراً لمروركم ومازلت أراها يا sadness وسؤالك بلماذا لا أكلمها يؤكد أنك لم تقرأ ثانياً وثالثاً ورابعاً.

لا انا قريت كويس
انته ليه تستقل بنفسك كده
انت بتقول هي جوهره تبقي تستحق معاناه عشان تقتنيها وبما انك عارف قيمتها يبقي انت احق بيها ومحدش يقدر يقتلك بنظراته مادمت هتحافظ عليها السؤال الاهم ايه شعورها هي من ناحيتك

لم تسترح وتتحدث مع أحد كما فعلت معي ولكن خجلها يطغى على كل تصرفاتها فتارة تتحدث معي وتارة تتوارى عني خشية أعين الناس لكني في نفس الوقت لا أستطيع ضمان مشاعرها مئة بالمئة

بس انت شايف انها بتميزك انته عن الباقيين صح
يبقي انت مش لازم تتاخر في اقتناء الجوهره وعلي فكره الصراحه جميله جدا في العلاقات الجاده المغلفه بالمشاعر اكيد هي هتفهم ظروفك وتقدر وهتقبلك شريك حياتها بكل ما فيك ( ميزات - عيوب ) اسررررررررررررررررع ياوزير الحاجات ديه مبتتعوضش وربنا يوفئك

بس أنا مؤمن بمقولة سمعتها أن زوجتي لن يتزوجها آخر أي إذا كانت من نصيبي لن يأخذها غيري

علي فكره انا كمان مؤمن ان الغالي يستاهل المعاناه ولا انته هتستني تيجي هيه تقولك بحبك ؟.؟.؟.؟.؟

مش هاتقولها وأنا عارف وتعرف لو قالتها يبقى كل اللي أنا أفتكرت أني أعرفه عنها طلع غلط

فعلا لو قالت كده بصراحة تبقي الصفات اللي انت قلتها كلها دي غلط
وبعدين بالنسبة انك مش عايز تروح تقول لها لا روح قول قبل ما تضيع منك وتحاول تدبر نفسك واذا ما عرفتش خلاص يبقي قدر الله ماشاء فعل وبعدين يعني مش عيب ان واحد ماتبقاش ظروفه تسمح المهم انك تعمل الخطوة دي واهو مش يمكن يا سيدي تتحل باي طريقة وبكده تكون كسبتها ولو ما اتحلش الموضوع مش هتخسر حاجة بدال ما انت قاعد كده تشكي همومك يلا روح قول لها بسرعة مستني ايه

اديك خدت رأي بنت .... وهيه كمان بتقولك مستني ايه ... طالما هيه اديتك فرصه وانت اتأكدت من حبها تستني ليه ؟.؟.؟.؟. اهم شئ في الموضوع انك تتأكد وكل شئ منتهي مش قضيه الماده القضيه مين اللي تستاهل تدور عشانها علي الماده .... وربنا يكرمنا بجوهره زي بتاعتك ياعم انا بحقد عليك ههههههه

حرام عليك البت هتخلع وتسيبه يلا اياك ترجع الا لما تقول انك كلمتها اوك

ربنا يكرمني انا كمان والاقي جوهرتي احسن مستنيها وعندي فراغ عاطفي
انا بحسدك يا وزير

يا ساتر يا رب يا عم يا اما الواد هيجراله حاجة يا اما البت هتموت ارحمه ابوس ايدك
روح دورلك علي واحدة بدل مايجري للواد حاجة
خمسة في عين العدو

يا عم إرحمني

قلتلها ولا لاء
عشان انا جنبي شومة محترمة لو ماكنتش قلتلها

للأسف هتستخدمي الشومة

يا عم ما تجننيش انت كمان ما تقولها بدل ما تضيع منك مستني ايه اما واحد ما يقدرهاش يروح ياخدها انت اولي يوووووه
بص بقي انا قلتلك وعقلك في راسكتعرف خلاصك اللي ياكل علي ضرسه ينفع نفسه
خلص وروح قول لها ما تحرقش دمي

ايه ياعم ديه
انتي مين ؟.؟.؟.؟

اعمل ايه يعني هو مستني ايه ممكن افهم

براحة كده
أقولها إزاي وأنا لا أستطيع أخذ خطوة واحدة في الموضوع

يا بني قولها وفهمها علي كل حاجة وهيا لو جدعه فعلا هتقف جنبك

لأ بقولك إيه هي جدعة جداً بس والله ما ينفعش.
هتقف جنبي إزاي يعني.
هتنزل تشتغل وتديني فلوس يعني.

لا هتحاول تساعدك يااخي علي الاقل هتقدر ظروفك