ياريت تسمعو حكايتى مع المينى باص

بصو ياجماعه اولا انا مش بحب اركب ميكروباص عشان حصلى انا وصحبتى مواقف وحشه فى وكنت مقضياها تاكسيات ولما الميزانيه خرفت قولت اركب منى باص من الجيزه للهرم وطلع انه عالم تانى خالص اولا كلو على بعض يعنى عامل زى علب السردين ذى مابنقول فى مصر
ثانيا طلعت ست كبيره فى السن اد مامتى واكبر شويه ولا حد اتحرك الولاد قاعده وايه كمان شباب يعنى فيهم صحه يقفه عن الست اللى قد مامتهم ولا حد قام ولا اتحرك انا الحقيقه صعبت عليا وقفتها فامتلها وحطيت مكانها امى اكيد كنت هقوم وهى تقعد والكل عمال بيبص كانى انا اللى غلط وهما اللى صح ليه مباش فى زوق ومرؤه وحنيه ليه مبنحتش امهاتنا واخواتنا البنات مكان الناس دى بجد ليه كلنا بيطنش وبيعمل عبيط
واخيرا اسه على تطويلى عليكو وشكرا

بصراحة مش عارف اقولك مواضيعك كله فوق الروعة وبصراحة تعليقى على موضوعك انى اى شاب
دلوقتى خلاااااص مبقتش تفرق معاها يعنى لو شاف واحدة مش قد ماماتها لا اكبر منها مش حيقوم اللى
بيقوله انها ايوووه كبيرة وانا كمااااااااان تعبان حستفيد ايه لما اقوم وهو ولا اكنى الحسنة اللى حيخدها مبتفرقش بس المهم انه ميتعبش ويقف وانا مبسوط لانى اول واحد ارد فى موضوعك وشكررررررررررررررا

شكرا ليك اوى ياخالد وانت الوحيد اللى بتشجعنى انى اكتب اللى بيلفت نظرى بجد وبلنسبه للموضوع ده انا مش عارفه ازاى بيهون على اى حد بنت او ولد ان واحده قد مامته تكون واقفه وهو قاعد انا مش قادره اقولك انا اتبهدلت اد ايه وانا نازله من المينى باص عشان الرجاله اللى واقفه ومش عايزه تتحرك بس انا متاكده انه كله عند ربنا وعايزه اقولك ان مفيش حد بيقرا مواضيعى غيرك انت وناس بسيطه الباقى بيلفت نظره التافهات اكتر وشكرا

تحفه وبجد عجبنى مفيش اى حد بحيترم السن ونفس المنظر ويمكن ابشع فى القطر تلاقى الشباب كلهم قاعدين وفيه مثلا بنات كتييييييييير واقفين ولا حد يعبر وستات ورجاله كبار ولا حد بيتحرك خلاص زمن الجنتله والناس الزوق راح
وبجد زى ما خالد بيقول مواضيعك كلها روعه
تسلمى بجد عالجهد المميز

مرسى جدا ليكى يانغم على كلامك الجميل ده وبجد انا مش عارفه ازاى بيهون على الشباب دى باباهم ومامتهم لو فى نفس مكانهم وةمحدش قاملهم واستنينا فى مواضيع تانيه