كلمة بسيطة ممكن تغير حياة

كلمة بسيطة ممكن تغير حياه انسان" "الابتسامه فى وجه اخيك صدقه" دايما جملتين كنت بسمعهم طول حياتى وعمرى ماكنت بحس فعلا بقيميتهم . اول جمله غالبا من الاقوال الشعبيه اللى مصدرها الدين والروح والانسانيه اللى موجوده فى مجتمعنا الى حد ما والثانيه حديث عن الرسول صلى الله عليه وسلم. دايما الجملتين دول كانوا فى ذهنى معرفش ليه وعمرى ما حسيت بيهم قد ما انا حاسس بيهم دلوقتى.
من فتره كنت مع اصحابى بنهرج ونضحك وكده . واليوم ده سافرنا سوا علشان نرفه عن نفسنا شويه وقابلنا ناس كتيره هناك وطبعا كان فيهم اللى بيعاكس وكده. المهم شوفت بنت من اول وهله عمرى ماكنت اتصور انها تبيع نفسها علشان حاجه. كانت بتتكلم معانا وانا شايف نظره انكسار وحزن فى عنيها. نظره مغزاها ان الناس بقوا عاملين زى الوحوش وعمرهم ما بيرحموا حد. لما قعدت اتكلمت معاها عرفت انها طالبه واهلها فقراء الى درجه كبيره وانها مضطره تعمل كده علشان تصرف على نفسها وانها حاولت تشتغل قبل كده كتير ومنفعش يعنى علشان لسه طالبه وكده.
مش عارف ليه حسيت انى عايز اساعدها مش بمجرد انى ارميلها شويه فلوس وخلاص. اتكلمت معاها فى مشاكلها وبدأت احاول اساعدها بقدر امكانى فى كل حاجه وبعدين جت عليا فتره بعدت فيها قوى ومعدتش بطمن عليها ولا حتى بالتليفون بسبب ضغوط نفسيه كتيره .

وبعد وقت كبير فوجئت لما سافرت وهى طلبت تقابلى لقيت انسان تانيه قدامى لاقيت انسانه معتزه بنفسها وكرامتها لاقيت كل كلمه قولتها ليها هى بتعتبرها دستور. مش علشان بتحبنى مثلا ولا حاجه؟؟ لا علشان هى فعلا من جواها مقتنعه وحاسه ان الكلام اللى كنت بقوله مش كلام وخلاص وكان فعلا كلام صادق من القلب للقلب . وانى حاولت اثبتلها ده بقدر امكانى.
مبقتش عارف اقول ايه واحس بايه لما لقيتها قدامى كده . ساعتها بس افتكرت الجملتين دول وانها مكنت محتاجه اكتر من حد يسمعلها وينصحا ويأخد بايدها للطريق الصح قبل ما تقع فى بئر الفساد والانحدار. ساعتها كنت عايز ابكى وكنت فعلا مبهور بالانسانه المختلفه اللى قدامى. حسيت فعلا يعنى ايه كلمه حسنه ويعنى ايه ابتسامه ممكن تغير حياه انسان . ممكن انى مقدرتش اساعدها كتير لكن بجد هى ماكنتش محتاجه اكتر من كلمه طيبه تطلعها من اللى كانت فيه.
rania elwi

merci :)

مشكوووووووووووووووووووووووووره يا قمر حلو اوي الموضوع ده

فعلا وده كلام الرسول عليه الصلاه والسلام بس الفقر والمشاكل عمرها ما كانت مبرر ان واحده تبيع نفسها لان كده ممكن اى حد يقتل يسرق يعمل كل حاجه بدافع الفقر والحاجه. بس فعلا الكلمه والتعامل الكويس ممكن يغير كتير ولو راجعنا السنه هنلاقى مواقف كتير للرسول غيرت حاجات كتير جدا وابسطها جاره اليهودى

شكرا :))))