موضوع محيرني

في سؤال نفسي اسأله لاني بجد احترت اوي في الحوار ده
هو ليه الشاب اللي بيدخن بيبقي بالنسبة للبنات كوول وحوارات من دي ؟؟؟؟؟؟؟؟
وليه الشباب شايف ان الرجولة في شرب السجاير؟
انا ممكن اعذر اللي ابتدي يشربها وخلاص اتعود عليها لانه اكيد بيكون صعب اوي عليه انه يسيبها
لكن واحد يبقي زي الفل وما بيشربش ولا اي حاجة
وبمزاجه يروح يشرب؟
ليه يابني
اصل انا راجل؟
هيا الرجولة انك تضيع صحتك وفلوسك وكمان تضيع اللي حواليك من قلقهم وخوفهم عليك
انتم متخيلين ان واحد وصلت بيه انه عرف انه جاله مرض فعلا وخلاص هيموت لو ما اتعالجش وبكرر لو ما اتعالجش مش لو مابطلهاش
يرمي ده كله ورا ضهره ويشرب برده
انتوا رأيكم ايه في الموضوع ده
مستنية ردودكم

لا يا راجل
بجد؟
سبحان الله
ياريت يا جماعة اي مراقب يحذف الموضوع ويحذف مواضيعي كلها واضح انها ما بتعجبش حد

ليه بس يا زرقاء الموضوع جميل جدا وكويس للنقاش بس انا صراحة
معرفتش اقول لان المفروض نسمع راي الاولاد الاول !!

بس بردو هقول رايي :

شرب سجاير بيكون بسبب الصحبة السيئة اللي بتخليه ينزل للمستوى ده ،
وجايز عشان هو مفكر ان هو لو شرب سجاير هيبقلى راجل يعني (هههههه)زي ما انتي قلتي
واخر سبب من راي ان ممكن يكون شاف باباه او حد من قريبه بيشرب سجاير فيتوعدعليها ويبدا انو يشربها لانه ميعرفش ان هي مضره ،،

مرسي تاني يا زرقاء والموضوع والله حلو وميستحقش الحذف
يعني مش عشان واحد اظهر ان الموضوع مش عاجبه _ مع احترامي _ تقولي ان الكل مش
عاجبهم مواضيعك ...

مرسي تاني ،،،،

ميرسي جدا يا زرقاء علي الموضوع
بس انا من راي ان الشاب لما بيشوف حد كبير بيدخن فيفتكر انه لما يعمل زيه يبقي هو كمان كبير و في شباب بتبقي اتعودت زي ما انت قلتي فبيبقي صعب انهم يبطلوها
وميرسي تاني علي الموضوع

اولا ميرسي يا ماسي ربنا يخليكي علي كلامك الجميل ده
وانا موافقاكي الرأي بس في نقطة اعتراض بسيطة
مش عارف انها مضرة ازاي بس؟
وبشكرك تاني مرة لمرورك اللي نور الصفحة
وميرسي ياسمين لمرورك نورتي التوبيك وفي انتظار مواضيعك اللي اكيد هتكون جامدة زيك ياقمر

هو علي ما اعتقد كده اني ابتديت افهم

بصراحة موضوع يجنن ...
انا برايي انه في ناس بتعتبرها رجولة بس ما اتوقع انه البنات بتحبه الشب اللي يشرب سجاير ...
بس انا برايي الرجولة مش في الظاهر الرجولة في المواقف وفي الشخصية ....
انا عن نفسي عمري ما شربت سجاير

هى مش حكايه رجوله ولا حاجه هى عاده ذميمه مش اكثر وتعود

بس فى ناس كتير شافت والدها خالها مها ناس كتير مقربه ليها وكبار وبيحترموهم بيدخونوا فشافو انها مش عيب وارتبطت بالنرفزفه والعصبيه لانهم ببساطه كانوا بيجاوبوا على سؤالك ده بكده

انا دخنت وانا عندى 23 سنه وهو سن متاخر علشان موقف رخم بس اتعرضت له واصبحت عاده مش اكتر بس الحمد لله استغنيت عنها بعد سنتين

اما البنت اللى تشوف اللى بيدخن راجل وكده تبقى تافه اكيد بس لى فكره فى بنات كتير مش بتحب الولد اللى بيدخن انا اعرف ناس بيخوا انهم بيدخنوا على خطيباتهم انهم بيدخنوا اصلا وبغسلوا اسنانهم وبياكلوا لبان قبل ما يقابلوهم


ميرسى جدا على الموضوع الجامد

وانا كمان فهمت يا مادركس ميرسي لمرورك
فعلا ريان عندك حق بس احب اعرفك في بنات فعلا بتحب اللي بيدخن
ميرسي لمرورك رورو

كلامك مقنع جدا يا جولدن تايجر وماقدرش اقول كلمة اعتراض واحدة
ميرسي لمرورك
ميرسي يا لولو علي كلامك الحلو ده
وبيني وبينك نفسي افضح ميمو واقول ليه بس يلا بلاش فضايح

بصي يارولا
ده بيكون مجرد طيش شباب
والدليل ان الواحد لما بيكبر وبيعقل
لا يمكن يسمح لابنه انه يدخن
لكن المشكلة بتكمن
في ان هو نفسه مش هيقدر يبطل التدخين لانه اتعود علي السجاير وادمنها
وصعب اوي بردوا الابن يبقي شايف ابوه بيشرب سجاير وهو كبير وعاقل
وهو الشاب مش هيشرب
هيقول اذا كان العاقل عملها اعملها انا كمان
وبعدين فيه حكاية جديدة طالعة اليومين دول انتي قلتيها فعلا
ال ايه ياستي
رجولة
الكلمة دي هيا اللي بتستفز الشاب فعلا
انه ابتدي يحس انه مش هيكون راجل وسط اصحابه الا لو عمل كده
وطبعا اصحابه عايزين يدمروه زي ما هما متدمرين
صحبة سوء بقه نعمل ايه
والناس اللي شايفاها رجولة
ماهو من ايه
من العادات والتقاليد اللي الناس مش راضية تعدلها ابدا
شاطرين يقولوا الموضة ايه ومش عارفة ايه
ولازم نجدد في مجتمعنا الشرقي
وسايبين الشباب يضيعوا
هي دي العادات والتقاليد
بصي من الاخر عشان طولت عليكي وعلي الاعضاء
ادعي ربنا انه يزيح عنا الهم ده
وميرسي للتوبيك

كلامك علي قد ماهو صح يا ايميلي
علي قد ما بيوجع اوي اوي
والمشكلة الكبيرة اننا مش قادرين نواجه الحقيقة دي
مش قادرين نحل الموضوع ده
خلاص اتطبعنا بعاداتنا وتقاليدنا
اللي بتخلي الرجل الشرقي سي السيد
والست
مرات سي السيد
بمعني ان الراجل يغلط
براحته
البنت تغلط
تتقتل
انا عارفة اني خرجت بره الموضوع
بس لو الناس ركزت هتلاقي كل الحاجات دي جاية من كده فعلا
من العادات والتقاليد اللي خلت الولد اللي مايشربش سجاير ويحافظ علي نفسه
يبقي في نظر اصحابه مش راجل
كلام كتير اوي مش عارفة اقوله ازاي
بس حقيقي انا بتدايق اوي وبتعبت لما احس ان واحد قدامي بيدمر نفسه
وانا مش قادرة اساعده
ميرسي لمرورك ولرأيك ايميلي

عندك حق والله يارانيا
بس للاسف ان الواحد دلوقتي بدل ما يشد صاحبه للخير
لاء ده بيستفزه علشان يشرب سجاير
وحكاية الرجولة دي معلقة مع الناس بشكل فظيع الايام دي