ارجوكم اريد حلا لمعاناتى ارجوكم

استيقظ من النوم على فزع ازلى خسارة ما .. خسارة شخص كان مجرد احساسك بوجوده و ليس وجوده حتى يعطيك الامان. شخص بمجرد ان نظرت اليه مرة واحده فعلت الكثير الكثير الكثير لتصل اليه وغيرت كثيرا من نفسك لتواءم حياتك معه . يعطيك الامل . شخص بمجرد معرفتك به اراد ان يتركك وحيدا وهو يعلم مدى حبك و مدى ارتباطك به.. شخص بكيت له بالدموع . اول مرة تواجه حب فى حياتك كانت اول خسارة مخزية لك امام نفسك لانه ادرك نقاط ضعفك وان كان غير متفهم لها الا انه كان يستخدمها ضدك . شخص وضع المال و الجمال فى كفه و الحب فى كفة اخرى يضحى بك من اجل نزوة او من اجل امرأة اخرى غنية و تفوقك فى الجمال . يضع امام نصب عينك رؤيتك لنفسك ذليل وللاسف هو غير مدرك لذلك لاقتناعه التام بأن الاخرين مثله يبحثون عن المال و الجمال فمن السهل لى كما له ان اتركه بمجرد انى وجدت شخص اخر يفوقه مال او جمال .....كانت اسهل كلمه له عندما اقول له انى لا استطيع العيش دونه يجاوب ( عادى يعنى ايه المشكلة انك اسيبك . عادى حبى واحد تانى مش عارف انتى عاملة مشكلة من اية ) لا اعلم ما هى وجهة نظره .اعلم انى اخطأت معه من البداية عندما قال لى انه ليس من النوع اللذى يحب او يرتبط او يتزوج و انه يريدنى مجرد تسلية ., او مثلما قال مجرد صديقة .....و لكن الواقع كان شىء اخر. هل تعلم ان جرحك شخص بسبب ما فى شخصيتك او اى شىء اخر الاوان يتركك لاسباب لا دخل لك بها وايضا فى نفس الوقت اسباب اصلا كانت معاناتك. قل لى ماذا تفعل عندما تقضى يوم لطيف مع شخص تحبه وفجأه يقول لك انه مرتبط بشخص اخر ويحبه ويتزوجه و كأنه لم يراك ولم يكن هناك وقت قضيته معه وكأن الحياه وجدت بدون مشاعر و انه من المفترض ان تكون قوى ليس قوة بمعناها الحقيقى لكن قوة تجعلك عندما تخسر شخص ملك حياتك و مستقبلك ان تقول عادى هشوف غيره.
شخص يطالبك ان تدفن اسمى معانى الوفاء يجعلك تبغض ما يطلقون عليه حب . يجعلك تكره ما يسمى اسرة لانه يبنيها مع شخص اخر. يجعلك تقضى وقتك كله تفكر فى شىء واحد هو ان تثبت انك افضل تنتظر اليوم الذى ترى دموع عينه. يجعلك تلجأ الى الله فى وقت حاجتك اليه و لا تجد من ربك اجابه فتبتعد حتى عن الدين لانك كنت ذليل لله فى اصعب موقف فى حياتك وشعرت انه من المفترض ان يطمنك الله ان حقك سيعود و لا تجد نفسك سوى فى دوامة تخاف ان تفقد ايمانك و تأخذ قرار بانه طريق ......( اللهم ما ثبت اقدامنا) . ماعساك ان تفعل و ان هذا الشخص طبيعة حياتك تفرض وجوده معك . اعنى انه من الامكان ان تراه . و اختيارك البعد عن هذا المكان صعب لان لا احد يعلم اصلا بأنك تحب وخاصة انه شخص (ابن حد فى البلد) فمن الصعب التحدث عنه مع اى حد لانك وعدته بأن لا احد يعلم بعلاقتك به و انت تموت من داخلك للوفاء بهذا الوعد.لا تسطيع البعد عن هذا المكان لانه مرتبط بحياتك و يتوقف عنده خطوات فى مستقبلك بالاضافه انه هناك مشاكل من الناحيه المادية فأنت ملزم بهذا المكان . اعيش الان فى سجن الماضى فى سجن نفسى احاول واحاول ان اتهرب لكن كلما رأيت طفل ضغير ابكى لانه كان حلمه ان ينجب اطفال . وكلما نظرت الى رجل وزوجته لا استطيع ان اتحمل و ابكى امام الجميع لانه كان حلمى معه .هل تتخيل ذلك ان كل ما حولك يذكرك به كل شىء .تكره حتى نوع سيارته بالرغم من انك كنت تعشقها تصل فى نفسك الى مشاعر متناقضة تكره كل شىء يذكرك به وتتمنى ان يأتيك باكيا لكى تشفى غليلك منه. و الاحساس الاخر انه لو طلب منك العوده ستعود بدون اعتراض بالرغم من انك ستحمل جرحك معه لكن تعتقد ذلك يكون اهون من تعيش فى عذاب وتواجه واقع الفراق المرير. هذا شىء وا ن كانت محاولتك ان تنساه فى ان تنشغل فى شىء اخر لكن هناك عائقين ان لا احد يعلم انك تحب شخص ما و العائق الاخر اننا شعب مصرى لا يتفهم هذه المشاعر و ان كان من يقرأ هذه الشكوى متفهم للمشاعر الا انه لا يستطيع ان يقف اما والدته او والده و خاصة الفتاه و تقول ( انا حبيت حد و لسعنى وعايزه انساه ممكن تسيبونى اسافر اغير جو او اشتغل) اكيد لو حد قال كده هيفتح على نفسه فتحه سوده و هيسمع كلام واسلئه اللى منها كنتى بتشوفيه فين وازاى و اتعرفتى عليه فين و هو مين))))))) بالطبع لا استطيع ان اتحدث و ان اتحمل هذه المعاناه وحدى مع العلم انى لم اخطأ معه و انه كان حب من طرف واحد و عندما علم بحبى له كان همه الوحيد ان يتركنى . لا اريد من احد اللوم والعتاب لانه قد حدث وانه انا فى جرح الان . ماعساى ان افعل؟ عندى الموت فى كفه وان اثبت له انى افضل فى كفه اخرى؟ بالاضافه انه انا من الطبقة الفوق متوسطه وايضا جميله لا فخر بنفسى ولا حتى ثقة زائده لان اقول ذلك ولكن هذا انطباع الناس عنى .

و الله انا مش عارفة اقولك ايه بس اللي اقدر اقولهولك ربنا يصبرك عللي انت فيه و لازم تثبتي لنفسك و للجميع انك افضل و فكرت الموت دي تبعديها خالص لان محدش في الدنيا دي يستاهل انك تتعزبي في جهنم عشانه اخسري الدنيا و ربنا ان شاء الله هيعوضك في الاخره و الانسان اللي بيقع مرة في حفرة مش هيوقع نفسه فيها تاني و بكرة تشوفي هو اللي هيتمنا يرجعلك تاني

ربنا معاكي

والله موضوع روعة وانا بصراحو شايف انه باسمين جاوبت عني الف شكر للتوبيك ولياسيمن على الرد الرائع

ميرسى موت ليكى يا ياسمين انت بجد قلبك طيب والله انت ريحتنى شوية
ميرسى موت ليك يا admin

و الله انت اللي طيبة علشان كده شايفة كل الناس طيبين زيك يا قمر

اختصار الكلام
ماتعبريش حد سابك وباعك لانه ما يستاهلش
وخلي عندك امل في بكره اكيد هيكون احلي

الله عليكي يا زرقاء ........
كل الناس انذال ؟؟؟؟؟؟

سووووووووووووووووري يا زرقاء معلش ممكن بس ادي تعليق لو مش هيضيقك confused

معتقدش ان كل صوابع الانسان زي بعضها يبقي مش كل الناس زي بعضها هو صحيح الاوفياء بقو قليلين دلوقتي بس لسه منعدموش و لسه ناس بتحب بجد و مش معني ان قصة حب فشلت (سوري) Neutral

يبقي مفيش حب تاني و مفيش امان و مفيش ثقة و انك تشكي في كل اللي حواليكي مش معني كده انك تديهم كل ثقتك لا بس الواحد يتعلم من اللي فاته و مش كل الرجالة زي بعضها زي ما في بنات بيلعبو بمشاعر الولاد كمان في و لاد كده و بعدين مش كل الناس ممكن تتحكم في مشاعرها او تحب ده و تكره ده
ده بيبقي قدر و نصيب
و مش كل الناس اندال معني كده كل اللي حواليكي بيخونوكي و بيضحكو عليكي معني كده محدش هيقدر يعيش او يحب بس مش معني ان حصلك موقف و لا اتنين و لا عشرين يبقي خلاص الدنيا كلها كده بس هيا دي سنة الحياة فيها الوحش و فيها الحلو

ميرسي و ارجو تقبل النقد و اسفة لو كان كلامي ممكن يضايق حد Neutral

انا بصراحة يا زرقاء شايف انه يامسين على حق مش كل اصابعك زي بعض

مفيش حد في الدنيا يستاهل انك تموتي عشانة
والله يا ياسمين حتى لو رجعلها المفروض انها متوافقش عليه بعد الي عمله
!!!!

اكيد طبعا يا اسفار Neutral

انا كنت اقصد انه هو اللي في يوم من الايام هيندم انه سابها و هيتمني انه يرجعلها و ده اكيد

بجد والله العظيم نتم ناس جدعة جدا والله من كام يوم كنت فاقده الامل فى اى حد تماما بنت او ولد بس ردكم عليا بجد حسسنى ان لسه فى ناس تستاهل بجد ربنا يحميك وانتم تستاهلو كل خير وميرسى موووت ليكى انت يا ياسمين بجد ربنا يخليكى

لا شكر علي واجب يا قمر

لو مش احنا حنوقف معاكي مين اللي حيوقف معاكي ...
شكرا للجميع على الردود

يووووووووووة فكرتينى بنفسى زمان
وعلى فكرة كلوا بيعدى
واحب اقولك كمان انو حيرجعلك بس متستنهوش
لانو حيرجع بعد ماتنسيةوحتتحكى على نفسك لانك استنيتية لانك حتكتشفى انو اتفة من كدة
ناس كتير قالولى الكلام دا وماسدقتش
بس دا الى بيحصل دايما المجرم لازم يرجع مكان الجريمة
سيبك انا بقترح عليكى تنضمى لينا فى ستات الحج حماقى
بعدموافقة ياسمين طبعا

انا شعرت بالفعل ان فية مشكلة فى حياتك من طريقة كلامك . بس بما انك اتكلمتى عن مشكلتك فأسمحى لى ان اناقشها معك .

اولا انتى طلبتى ان مافيش حد يعاتبك وطبعا ما ينفعش عارفة لية . لأنك لو شعرتى بغلطك من الاساس حتعرفى انة ليس الانسان الذى يستحق كل هذة المعاناة

ثانيا هو من الاساس قال لكى انك مجرد صديقة او انة بيقضى معك وقت ظريف وانتى قبلتى على نفسك هذا الوضع ومش عارف لية . اوعى تقولى لى الحب ..... الحب مهما كان مش بيضيع الشخصية وبيجعل الانسان ضعيف .... الحب بيعطى قوة وحب للحياة معاكى انتى بقى انقلب الحال لأنة حب من طرف واحد بالاضافة انة انسان ليس عندة اى نوع من انواع المشاعر وردودة باينة قوى انة انسان مستهتر وطايش ولا يعيل للحياة اى هم .... وابسط دليل على صحة كلامى هو ردة عليكى عندما قال لكى واية يعنى لما تحبى واحد تانى انسان بلا مشاعر

ثالثا خسارة قوى انك تفكرى بأنسان بهذة المواصفات وتحاولى تضيعى دنيتك واخرتك

رابعا كان باين قوى انة بيتسلى وانتى رديتى بكدة نفسى افهم سبب واحد لأنك تقبلى بوضع مثل هذا

خامسا باين من كلامك انك انسانة متعلمة ومثقفة لية تقبلى بهذا الوضع السخيف وانتى كما قلتى انك من الممكن تحبى احسن منة واغنى منة ( بجد انا مستغرب قوى )

سادسا حددى واعرفى انتى عاوزة اية وصدقينى حترتاحى قوى ... وحاولى تقربى من اى حد يساعدك ويخلصك من هذا الشخص ... والجائى لربنا لأنك قصرتى فى حق ربنا وفى حق نفسك قوى عندما تقبلى بمثل هذا الوضع

سابعا اعتقد ان اى شخص يسمع كلام مثل هذا اكيد حيكره هذا الشخص وحيعرف قد اية انة انسان انتهازى ومش بيحب غير نفسة فقط مع العلم انة كان صريح معك من البداية عندما قال لكى واية يعنى ما تحبى غيرى او عندما كان بيفكر انة يتزوج وكان بيقول ليكى كدة

من الاخر انتى غلطانة بكل المقاييس والحب ليس لة علاقة بكل ما تقولى فالحب اسمى واكبر من كل هذا ( حب بلا كرامة ... ليس بحب )

» اريد حبا وحبيا................ نعم اريد حبيبا
» لا اريد قلب
» يلا اريد ترحيب حار نار
» شوستر اريد من احتاجه فقط
» شوستر : اريد روبين قبل 11 اغسطس