ميمو سيعود .. قريبا

والنبي ياخويا
اولا ياباشا ماحدش كره ميمو هكر
ولو كان حد كرهه كان زمانهم كرهوني من زمن
وانت فاهمني كويس
وكمان لو كان حد كرهك ماكانش حد سأل عليك ولا حد طلب منك ترجع المنتدي
ولا حد كان قالك اسراره ووثق فيك
وانت فاهمني
واحب اقولك حاجة انت مش قادر تفهمها
اي حد دخل المنتدي ده وقضي فيه ولو يوم واحد لا يمكن يتنسي
وانت اول واحد المفروض تقتنع بالكلام ده يا ميمو
انا بقالي قد ايه في المنتدي
ما سألتش نفسك السؤال ده
ما سألتش نفسك بعد كل المشاكل اللي حصلتلي ايه خلاني ادخل المنتدي ده تاني
ما سألتش نفسك ايه خلاني ارجع المنتدي بعد الفترة الطويلة اللي غبتها
انا هاسيبك تفكر في الكلام اللي قلتهولك ده
وان كان علي واحدة بس انت عايزها تنسي ميمو
فاطمن
الواحدة دي نسته من زمان ومابتدخلش اصلا عشان تقول الكلام ده
ولو كل واحد حصلتله مشكلة قرر انه يهرب منها بالطريقة دي
كانت الناس كلها انتحرت وماكنتش في اي مشكلة اتحلت
اعقل يا ميمو
مستنية ردك
الرد اللي المفروض يتقال مش الرد اللي في دماغك
ولو انت يا ميمو هتقول كده
امال انا اقول ايه
ده انا علي كده اول واحدة المفروض تتمني ان الاعضاء ينسوها
انت عارف كمية المشاكل اللي حصلت لبعض الاعضاء بسببي
ورغم ده كله عمري ماقلت كده ولا عمري حتي فكرتت في كده
لان اللي بينا مش مجرد صداقة نت يا ميمو
احنا اللي بينا اكبر من كده بكتير
ولو كان اللي بيجمعنا صداقة نت
كان زمانا نسينا بعض بعد الفترة دي كلها
لتاني مرة بقولهالك
اعقل يا ميمو
ما تضيعش عشرة عمر بين يوم وليلة
والسبب اتفه ما يكون

اقولك علي حاجة يا ميمو
براحتك اعمل اللي انت عايزة
انت اكتر واحد عارف اللي انا فيه وعارف اني بهزر وبضحك عشانكم وعشان ما انكدش عليكم
ماتجيش انت وتقعد تقول الكلام ده
بص بجد انا حتي مش قادرة اتكلم
اللي عايز يعمل فيكم حاجة يعملها
انتوا حرين بقه
انا تعبت

فيه ايه يا جماعة مينفعش كده خالص !!
مش كل خمس دقايق عضو يطلع ويقول انا هطلع من المنتدى !!! يعني المنتدى مبقاش في حد خالص
اولا كلامك صح يا رولا والمفروض ميمو يعقل شوية ..
تانيا مين اللي قال ان احنا بنكره ميمو هكر ؟؟؟
ميمو بجد لو طلعت هتزعل ناس كتييرة هنا ،،
برحتك يا ميمو بس اللي بتعملو غلط ...!!!

تقبل مروري ،،
masy

ايوة ايوة
مشافهمش وهما بسرقوا شفوهم وهما بتحسبو ا
مشاكل اية ياحلوين
انتو حتخوفونى لية امامابحبش المشاكل
وبالنسبة لموضوع ميموانك حابب تدخل باسم جديد دا معناة انك مش واثق فى شخصيتك ولا
حببها ولو انتا ماحبتش نفسك متستناش من حد انو يحبك
حب نفسك اكتر حببها بكل مافيها واوعى تفكر تمسح حتة منها مهما كان السبب لانك لو عملت كدة شوية شوية مش حتلاقى نفسك
وهو فى اية فى الدنيا يستاهل انك تمسح نفسك عشانو
واللة الحياة مهى مستاهلا

انا بجد مش عارفة ولا فاهمة اللي انت بتعمله ده
انا نفسي افهم انت بتعند مع نفسك ولا حابب تتعبني وخلاص
انا تعبت من كترة الكلام ومش كل شوية يا ميمو هتحايل علي حد فيكم انه يفضل في المنتدي
ومايسيبوش
اللي عايز يعمل حاجة يعملها بقه
بس مايقولهاش عشان حرام يعذب معاه ناس مالهاش ذنب

ميمو انا شايف انه ما ضل كلام احكي بعد كلام رولا وماسي واورجوان ...

بس حابب اعطبك رايي ( مش عشاني عامل المنتدى ) بس والله لو انا مكانك ولقيت ناس تعرفني وتعرف شخصيتي وتحبني والله ما بترك المكان ....

هي انا قدامك انا غبت فترة 6 اشهر كنت وقتها في دراسة بس والله ما نسيت المنتدى ابدا وكنت كل فرصة ادخل فيها واشوف الناس اللي فيه والمنتدى الان صار كتير كويس واهو شوية شوية حيكون الافضل

للعلم مش باقي غير 4 او 3 منتديات لحماقي وهذا افضلها وشوف المنتديات التاني وقرر انتا ...

أولا يا ميمو اسفار ماتعرفكش
والظاهر هيا اصلا ماقريتش الموضوع
كفاية العنوان اللي انت كاتبه
لاني انا شخصيا كنت فاكرة حاجة تانية من عنوان التوبيك
وبعدين ايه الوهم اللي انت عايش فيه ده
ناس مين دول اللي بيكرهوك
وايه ان شاء الله اللي حصلك يعني
انت اللي بتقول الكلام ده
ده انت لما عرفت اللي حصلي ماعرفتش تفتح بقك ولا تتكلم
ولا تلاقي حل ولا تقول اي حاجة
تقوم تقول انت الكلام ده
اقولك علي حاجة يا ميمو
انا مش هتحايل عليك تاني زي كل مرة يا ميمو
لاء
انا اللي ماشية من المنتدي ده

اناجديدة فى المنتدى بس لاحظت انو فى ناس ليهم بصمة
طبعا ريان و ولاء ورولا ومالك وميمو ومش عارفة انتا قصدك على مين
وانا قولتلك حب نفسك الاول علشان الناس تحبك
وانك تدخل باسم تانى اسمحلى دا جبن منك
انامعرفش الى حصل ومش عايزة اعرف
بس انك تدخل باسم تانى دا غلط لانك مش حتبقى على طبعتك لانك حتحاول تبعد عن شخصية ميمو
فتفتكر انو حد حيحبك وانتا مش طبيعى ولاتنا كمان حتبقى مرتاح دا راى

ميمو انت اكيد بتهزر ما ينفع تمشى وبعدين ما فى احد بيكرهك ولا حاجه طب امال انا اعمل ايه
لو كل واحد بيفكر بالطريقه دى مش هقولك مش هيكون فى حد بالمنتدى لأ دا مش هيكون فى حد بالدنيا
واكيد انه مهما حصل عمرنا ما هننسا ان كان فى معانا عضو رائع زيك اسمه ميمو هكر
ومهما كان السبب ما ينفعش تمشى

بس يا جماعة ما تتعبوش نفسكم
هو خلاص اصلا مشي
هو حر بقه

باك لى مره اخرى لاوضح لاخى العزيز احمد ان احدا لم ولن يكره
اختك
نور