** ( الست )** اليسا !!

جواز أليسا بـ "نص مليار" باطل..





اللي عنده ضغط بلاش يقرا المقال ده.. واللي عنده سكر يخليه بعيد.. واللي تعبان أحسن له ينام ويحلم وبلاش

يشوف اللي هانقوله.. واللي طهقان من عيشته زي كل الناس أحسن له ياكل كوز درة واللا يشرب كوباية عصير قصب وينسي..

فالحكاية إن واحد ثري.. وثري في الزمان ده يعني عنده أكثر من مليار دولار.. والثري ده من دولة خليجية شقيقة.

. يعني واحد زينا كده مسلم وبيعرف ربنا والمفروض كمان يعرف إن المال مال الله وإن ربنا لما أعطانا المال ائتمنا عليه

وأوصانا بأننا نعرف إزاي نصرفه صح.. ونساعد منه إخواننا في الدين وفي الإنسانية.

والمهم الراجل ده شاف الست أليسا بتاعة لبنان وعجبته.. ولغاية كده كويس.. ست زي القمر.. وعمليات التجميل اللي عملتها شمال ويمين وفوق وتحت خلت منها ست ولا كل الستات.

أنوثة تلاقي.. قوام حلو ومثالي هاتشوف.. وجمال من اللي الماس بتاع لازوردي اللي هي بتعلن عنه يليق بيها وبس
.
وبعدين صاحبنا راح وبعت لها مراسيل.. ووفود.. ياست أليسا الراجل عاوزك في الحلال.. الحرام لأ.. والحلال آه..

ومهرك إيه ياغالية يابنت الغالية.. ماتقوليش.. نقول إحنا.. هو هايدفع 100 مليون دولار مهر.. يعني أكثر من نصف مليار

جنيه مصري بالتمام والكمال.. ومش كده وبس.. هو عنده جزيرة في إسبانيا هاتقضوا فيها شهر العسل.. وبعدين

يكتبها باسمك.. هييه.. قلتي إيه.. موافقة طبعاً.. هو فيه عريس أحسن من كده..

وعلي رأي مطربتنا بتاعة الفن الشعبي اللي غنت.. ماخُدش العجوز أنا.. فالست أليسا اللي عندها برضه بدل المليون

ملايين وملايين.. قالت لأ.. أنا عاوزة أعيش كده.. أنا مبسوطة كده.. أنا حرة زي العصافير.. أتجوز ليه.. واضيَّع حريتي

ليه.. وبكام.. ب 100 مليون دولار بس.. لأ ماينفعش..

وطبعاً ماينفعش.. وإيه يعني ميت مليون دولار.. جتنا نيلة إحنا وميت مليون نيلة.. هم دول فلوس في الزمان ده.. دول

شوية فكة بييجوا من ارتفاع سعر برميل البترول في العالم لمدة دقايق قليلة.. دا الفلوس بالكوم بس مين اللي عنده نفس يصرف..

والمصيبة إن الفلوس فعلاً بالكوم.. بس بتروح فين.. ولمين وبتنصرف إزاي..

وهو ده حالنا علي كل حال.. الفلوس عند البعض بالقنطار لكن بيصرفها إزاي وفين هو ده السؤال.. واللي بييجي سهل

بيروح سهل.. يعني اللي هايدفع ميت مليون دولار في أليسا هو كان تعب فيهم.. حسرة علينا. في جوازنا ينكتب

قايمة.. ونسجِّل فيها قيمة التلاجة والبوتاجاز والغسالة الفول أتوماتيك.. أُمال إيه جواز من غير غسالة أوتوماتيك يبقي

باطل.. زي جواز أليسا بنصف مليار جنيه فقط يبقي باطل ونص..

فعلا عندك حق
اكييييييييد باطل