لماذا نحب ؟لماذا نخون؟لماذا يهجرنا من نحب؟لماذا نربط الالم ب

بصراحه
هبدء كلامى عن مشكلات فى الحب و الغريبه انها بتدور فى تفكير اى شخص زى مثلا:
احنا بنحب ليه؟
لما بنحب ليه بنتجرح من الاشخاص اللى بنحبهم؟
ليه معظم حكايتنا عن الحب بتنتهى بلام والجراح ؟
ليه ...ليه....ليه
المشكله بختصار انحنا مش قدرين نوظف مشاعرنا و احسيسنا بلطريقه الصح يعنى ممكن نحب فى لحظه ناس منعرفش عنها اى شى و نعيش تجربة الحب و نحلم و بعد مده لما نعرف الحقيقه اللى كانت مش واضحه فى الاول نتصدم و تحصل الحجات اللى بنسميها الجراح فى الحب
طيب ليه احنا من الاول ما نخترش صح ليه نتسرع فى الاختيار ليه ميكونش تفكيرنا اقوى من احسسنا فى الاختيار المشكله اننا بنحلم حجات و بنتخيل و بنفرض على نفسنا ان لازم نحقق خيلانا على الواقع ولما بنحس ان فى شخص فيه ولو جزء صغير من احلامنا اللى حلمنا بيها بنتسرع و بنعيش معاه قصه الحب
كمان فيه احسيس بتتغير مثلا الموضوع يبدء معانا رومنسى جدا و عاطفى خالص و ينتهى باننا نقول ده كان وكان وكان
الحب اللى بيعيش هو بس الحب المبنى على طاعة ربنا لان ربنا هو اللى بيده قلوب البشر
يعنى احنا لو دخلين على تجربه حب و هى بدءت على معصيه مثلا او تجاوزات مش لطيفه فلازم نتوقع ان نهايتها الفشل
فلازم اقبل ما ندخل على اى تجربه عاطفيه لازم نحسبها من جميع الزوايا ده فى البدايه
اما اذا خلاص خضنا التجربه و اللى حصل حصل فاحنا لازم نحاول ننسا لان الحياه مش هتتوقف على تجربه فشلت و الله والله ما فيش اصعب من الموت يعنى اللى بيعدوا يقولوا خلاص انا بعد الحب ده مش هحب تانى اصله كان اول و اخر حب لا كل ده غلط لان لما القدر بيقدملنا فرصه تانيه للحب بنحب و مش بيبقى من القديم الا الذكرى فقط يعنى يا جماعه اللى خاض التجربه و فشل يحاول يبعد نفسه عن الحجات اللى ممكن تفكره بلماضى و يحاول يكون اقوى من جراحه
انا فى حاجه بجد بعتب على اى حد بيقولها بعداى تجربه عاطفيه فاشله
بيقول مثلا (مفيش حاجه اسمها حب او مفيش حب صادق )
اولا الحب ده كلمه صغيرة بنعبر بيها عن مشاعر بنحسها ناحيه شخص ما المشكله ان الغلط بيكون فى الاشخاص اللى حبوا مش فى الكلمه اللى اسمها الحب
وعن حكايه مفيش حب صادق لا فى حب صادق و فى مشاعر صادقه ومش علشن احنا حبنا مكنش ناجح ان كلان الناس هتكون كده و بعدين فى الاول وفى الاخر الحب و المستقبل و الحياه و الموت كل ده اشياء خارجه عن ارادتنا يعنى فيه قوى اكبر من قوتنا و قدره اكبر من قدرتنا هى اللى بتتحكم فى الاشياء ده و طبعا هى ربنا اذا متقولش مش هحب تانى لا قول انشاء الله ربنا هيكرمنى بنصيبى و اكيد هيكون هو الاحسن و الافضل بلنسبالى
فى كلامات عجبتنى اوى شوفوا بتقول ايه:



صعب: أن تحب شخصا لا يحبك
الأصعب: أن تستمر في حبه رغم عدم إحساسه بك



صعب: أن ينتهي الحب الصادق نتيجه لأمر تافه
الأصعب: أن يستمر الفراق لأن كل طرف ينتظر إشاره الرجوع من الآخر


صعب: الوداع في الحب
الأصعب: أن ينتهي الحب دون كلمة وداع


صعب: الفراق في الحب
الأصعب: أن يظل طرف واحد فقط أسير لذلك الحب والحبيب


صعب: أن تختار من تحب
الأصعب: أن تحاول كراهية من كنت تحب


صعب: أن تقع في الحب في الزمن الخاطئ
الأصعب: أن يتوافق ذلك مع الشخص الخاطئ


صعب: أن يجفاك الحبيب لأسباب غير واضحه
الأصعب: أن لايبرر لك غيابه رغم سؤالك الدائم عنه


صعب: أن تقع في حب شخص قلبه لا يزال ينزف من خاينه موجعه
الأصعب: إقناعه بأنك شخص مختلف


صعب: أن تشعر بالحاجة الى الحب
الأصعب: فقدان القدره على الحب


صعب: فقدان القدره على الحب
الأصعب: أن تظل مؤمنا بفقدان هذه القدره


صعب: أن يبدأ الحب بالشفقه
الأصعب: أن يستمر الحب بالشفقه


صعب: أن يتحول الحب الى صداقه
الأصعب: أن يتحول الحب الى عداوه


صعب: أن يأتي الحب قبل الزواج
الأصعب: أن يأتي الحب بعد الزواج


صعب: أن تحب أكثر من شخص في حياتك
الأصعب: أن تجمع أكثر من حب في وقت واحد


صعب: أن يعود الحب كما كان بعد الفراق
الأصعب: أن نظل ننتظر عودته كما كان


صعب: أن تختار بين أكثر من حب
الأصعب: أن لاتجد من يستحق الإختيار


صعب: محاولة إرضاء الحبيب
الأصعب: أن يكون من النوع الذي لا يرضى بسهوله


صعب: أن يغار عليك من تحب
الأصعب: أن لايغار عليك مطلقا


صعب: الاختيار بين الحب والكرامه
الأصعب: أن تكون مجبرا على التنازل عن أحدهما


صعب: أن تقتل الحب من قلبك
الأصعب: أن يحاول الأخرون قتل هذا الحب


صعب: أن تضحي من أجل الحب
الأصعب: أن لا تجد من تضحي لأجله
يارب ما اكون طولت عليكوا بس يارب كلنا مننجرحش و تكون باحسن حال فى حياتنا

بصي انا بحييكي علي التوبيك الهايل ده
بس انا حابه اقولك حاجة
انتي بتقولي ليه من الاول مانوظفش مشاعرنا واحاسيسنا بالطريقة الصح
الحب مش كده
انتي اكتر واحدة عارفة ان الحب ده بيجي بدون مقدمات
ولو حبيتي وبعديها فكرتي اللي حبتيه ده صح ولا لاء
صدقيني مش هتقدري تبعدي عنه
حتي لو عارفة انه مش بيحبك
حتي لو عارفة انه بيخونك
بيبقي صعب جدا
لانك خلاص حبتيه

وبالنسبة للناس اللي ببعد ما تمر بمرحلة حب فاشلة تقول الكلام ده
فده بيبقي شيء طبيعي لواحد يائس من حياته
وده دليل ان الواحد ده لما كان بيحب كان بيحب من كل عواطفه
بس عشان خايف اللي حصله ده يحصله تاني
فبيحاول يهرب من الحب بأي وسيلة
وهو عارف انه بيكدب من جواه
وعارف ان الحب احلي حاجة في الدنيا لانه جربه
بس عارف بردوا ان غدر الحب اصعب غدر في الدنيا وهو بردوا جربه
ومش عايز يجربوا تاني
فبيستغني عن تجربة الحب عشان ما يمرش بتجربة الغدر في الحب
بس ياستي هو ده تفكير الواحد ساعتها

بالنسبة للجمل اللي قلتيها فهي بجد دماااااااار
واكتر جمل عجبتني فيها
دول

صعب: أن ينتهي الحب الصادق نتيجه لأمر تافه
الأصعب: أن يستمر الفراق لأن كل طرف ينتظر إشاره الرجوع من الآخر


صعب: الاختيار بين الحب والكرامه
الأصعب: أن تكون مجبرا على التنازل عن أحدهما

شكرا للمرور رولا هو فعلا الحب بيجي بدون اي مقدمات بس انا لو حبيت وعرفت ان اللي بحبه ده مش صح مش هفكر اني افضل احبة ولو ثانية اه هتعب عشان انساه بس انا عندي ساعتها اتعب ولا افكر فيه تاني لانه انسان مش صح وانا بصراحة يا رولا ربنا عطيني قدرة علي النسيان كويسة بس ف حالة لو كان الانسان ده يستحق اني انساه

يابختك

ليه يا بختي اي حد يقدر يكون كده النسيان ده نعمة من عند ربنا

بس ربنا مش بينعم عليها لكل الناس يا مي

لا ازاي بقي كل النايس بيقدروا ينسوا بس ف ناس هي اللي مش بتبقي عايزة تنسي

ميرسي عالتوبيك الهايل ده يا ميوش
انا اكتر جملة عجبتني



صعب: أن تحب شخصا لا يحبك
الأصعب: أن تستمر في حبه رغم عدم إحساسه بك

شكرا يا ايملي يا قمر علي ردك

امممممممممممممممممممممممممممممممم
يمكن بتبقي من اعماق اعماقها مش عايزة تنسي
لكن بيبانلها انها مش قادرة تنسي