مقارنه بين الاولاد والبنات "فمن الفائز"

جايبلكم اربع مقارنات بين الاولاد والبنات

ومحدش ينكر ويقول ان الكلام ده غلط

انا عن نفسى شايفه ان الكلام ده بيحصل .....


المقارنه الاولى

بالنسبه للفتاه
لو شافت مره واحد لاول مره واعجبت بيه تبصله من تحت لتحت عشان ميتفضحش امرها والناس تتكلم عليها

اما بالنسبه للولد
لو شاف واحده لاول مره واعجب بيها يلف وشه 360 درجه وتلاقى يا عينى نص سكان المنطقه عرفو هو بيبص ليه ويتفضح امره والناس تتكلم عليه


المقارنه الثانيه

بالنسبه للفتاه
لو لقت قط غريب فى البيت بتروحله وتطبطب عليه وبتاخده تاكله وتروح للباب تحطه بره وتغنيله اسفه لاصاله والسبب ان ابوها مش بيحب القطط فى البيت
وتعد القط انها هدخله غدا والمسكين يستنى لبكره ويبات فى البرد ...... )..

بالنسبه للولد
فا ما بصدقش نفسه لما يلاقى قط فى البيت بيتخيل نفسه زين الدين زيدان
ويسدد ضربه حره وفجاه يجد القط نفسه مسدد به خارج النافذه وهو طاير بيقوله منك لله يا شيخ لحد ما يعتر فى صندوق زباله تاخده

المقارنه الثالثه

بالنسبه للفتاه
حين يجد مرعب النساء فى المنزل طبعا كلنا عارفينه ( الصرصور ) تصرخ جامد اكنها بتلحن سيمفونيه بتهوفن من جديد وتجرى تجيب المبيد وتجرى على الصرصور وتقوله حتموت يعنى حتموت والله لاموتك والصرصور بيضحك على خفه دمها لحد ما ابوها يجى وينزل عليه بالقباب

بالنسبه للولد
بيتغر فى نفسه بقا ويقول للصرصور جيتلى لوحدك محدش جابك يعمل فيها بقا رامبو ويصطاد الصرصور ويقطع رجله الاولى ويقوله
بابا فين
الرجل التانيه : ماما فين
الرجل التالته : اخواتك فين
الرجل الرابعه : ساكن فين
بكده يكون تمت عمليه التعذيب ومازال الصرصور حيا
يسيبه صاحى مشلول من غير ارجل عشان يبقى عبره للى هيجى البيت من شله الانس والفرفشه شله مرعبين النساء

المقارنه الرابعه

خناقه بين بنتين ما بنسمعشى الا ..؟؟؟؟؟

انتى حماره
انتى اللى ستين حماره
الزمى حدودك انتى اللى ستميه وستين حماره
ياااه انتى جريئه اوى انتى اللى ست الاف ستميه وستين حماره
لحد ما يوصلو للعد 6666666666666666666666666 من الحمير


اما بين الاولاد فا عينك ما تشوف الا النور الضرب تحت الحزام
وبعد الخصام يحلى السلام

يارب يكون الموضوع عجبكوا
وياريت اسمع ارائكم..........

توبيك هايل
اشكرك

هههههههه شكرا ليكي الموضوع عجبني جدا وكل مواضيعك بتعجبني

ميرسى يارانيا ربنا يخليكى ياجميل
وشرفتينى بمرورك وربنا

ربنا يخليكى ياميوى
دا شرف ليا ان مواضيعى بتعجبك ياحبيبتى


نورتينى

ههههههههههههههههههههههه

مرسي ع التوبيك حلووو كتيييييييييير

كلامك صح بالنسبه للولاد ماعدا موضوع القطط فانا عن نفسى بحب الققط جداااااااااااااااااااا

ميرسى ياs
نورتينى

ثانكسSiEMA للمرور
وياسيدى بدام بتحب القطط
نبعتلك 5 او 6 قطط
هههههههههههههه

اقتباس :

بالنسبه للفتاه
لو شافت مره واحد لاول مره واعجبت بيه تبصله من تحت لتحت عشان ميتفضحش امرها والناس تتكلم عليها

اما بالنسبه للولد
لو شاف واحده لاول مره واعجب بيها يلف وشه 360 درجه وتلاقى يا عينى نص سكان المنطقه عرفو هو بيبص ليه ويتفضح امره والناس تتكلم عليه

بالنسبه للفتاه ابتعمل كدا كنوووع من الخباثه لو ده احترام بس مكانتش تابعته اصلااا

ههههههههههههههه


اما الولد بئى فدى صراحه

ولان الولد مش خبيث

اقتباس :

المقارنه الثانيه

بالنسبه للفتاه
لو لقت قط غريب فى البيت بتروحله وتطبطب عليه وبتاخده تاكله وتروح للباب تحطه بره وتغنيله اسفه لاصاله والسبب ان ابوها مش بيحب القطط فى البيت
وتعد القط انها هدخله غدا والمسكين يستنى لبكره ويبات فى البرد ...... )..

بالنسبه للولد
فا ما بصدقش نفسه لما يلاقى قط فى البيت بيتخيل نفسه زين الدين زيدان
ويسدد ضربه حره وفجاه يجد القط نفسه مسدد به خارج النافذه وهو طاير بيقوله منك لله يا شيخ لحد ما يعتر فى صندوق زباله تاخده

طبعا اكيد انتى عارفه ان القطط اللى بتتطفل على الشقق دى بتكون اصلا قطط مش نضيفه ومن الطبيعى انها تترمى بره البيت

والنت اللى تشيل قطه زى دى وتحضنا تبئى مقرفه اوووووى

هاهاهاها

اقتباس :

بالنسبه للفتاه
حين يجد مرعب النساء فى المنزل طبعا كلنا عارفينه ( الصرصور ) تصرخ جامد اكنها بتلحن سيمفونيه بتهوفن من جديد وتجرى تجيب المبيد وتجرى على الصرصور وتقوله حتموت يعنى حتموت والله لاموتك والصرصور بيضحك على خفه دمها لحد ما ابوها يجى وينزل عليه بالقباب

بالنسبه للولد
بيتغر فى نفسه بقا ويقول للصرصور جيتلى لوحدك محدش جابك يعمل فيها بقا رامبو ويصطاد الصرصور ويقطع رجله الاولى ويقوله
بابا فين
الرجل التانيه : ماما فين
الرجل التالته : اخواتك فين
الرجل الرابعه : ساكن فين
بكده يكون تمت عمليه التعذيب ومازال الصرصور حيا
يسيبه صاحى مشلول من غير ارجل عشان يبقى عبره للى هيجى البيت من شله الانس والفرفشه شله مرعبين النساء

ماهى النتيجه واحده اصلااااا

يعنى فى الاخر الصرصار هيموت

بس الطريقه اللى اختلفت

يعنى مش هو حب يموته وهى اللى كانت بترضعه يعنى

الاتنين هيموتوه بس الطريقه بس اللى اختلفت

حتى طريقه الرجاله اوفر بكتير

ههههههههههههههه

اقتباس :

المقارنه الرابعه

خناقه بين بنتين ما بنسمعشى الا ..؟؟؟؟؟

انتى حماره
انتى اللى ستين حماره
الزمى حدودك انتى اللى ستميه وستين حماره
ياااه انتى جريئه اوى انتى اللى ست الاف ستميه وستين حماره
لحد ما يوصلو للعد 6666666666666666666666666 من الحمير


اما بين الاولاد فا عينك ما تشوف الا النور الضرب تحت الحزام
وبعد الخصام يحلى السلام

لالا شتايم البنات دى كانت زمااااااان وده بيكون قدام الوزلاد بس

لكن بينهم وبين بعض بتلاقى عجب العجاب

وطبعا الولاد لما بيتخانقو مش بيتخابثو برضو بيظهرو على طبيعتهم

وبعد الخصام يحلى السلام لاننا قلبنا ابيض

ونلتقى فى مواضيع اخرى

مش عارفه انا يااخ ليدو
كل اما ارد على كلامك مش يرضى ينزل

عموما ياسيدى هقول الملخص

الاعجاب مش عيب يعنى صح ولا ايه

ثانيا ان اى حاجه البنات بتعملها فده من حنيتها وعطفها
ومقلتليش بقى الموضوع جديد ولا قديم بردو هههههههههههه
نورتنى بمرورك ياجميل

شكرآ ع المقارنات يا بتنجانه



ده معناه ايه بقى بتنجانه دى
عموما مش هقلك حاجه انا
غير انى مش بتنجانه ومتقليش بتنجانه تانى

ياريت يكون كلامى وصل

حر على اى اساس حضرتك
انت داخل ترد على موضوعى فاكيد تقصدنى

وبعدين حضرتك الاسم جامد ده عندك انت

ياريت بقى متقلهوليش تانى

خلاص يا دكتوره جومانه متزعليش نفسك
وبجد الموضوع جديد وهايل
وهو ده الشغل ولا بلاش
وخليكى انتى الكبيره بردوا
مش كده ولا ايه

كدا طبعا يااحلى درش
المهم الموضوع عجبك


نورتنى ياجميل

خلاص يا عم كاسبر ملاهاش كلمه الكلمه دى مدام مزعلاها :)

اقتباس :

الاعجاب مش عيب يعنى صح ولا ايه

ثانيا ان اى حاجه البنات بتعملها فده من حنيتها وعطفها
ومقلتليش بقى الموضوع جديد ولا قديم بردو هههههههههههه
نورتنى بمرورك ياجميل

ههههههههههههه اكيد الاعجاب مش عيب

بس انتو بتخبوووووووووووه ده اسمه خبث مش ده اللى مكتوب فى التوبك بتاعك ؟

بس يعنى ايه حنيتها وعطفها دى ؟؟؟

يعنى البنات بيعجبو بالشباب من منطلق العطف يعنى ؟؟

ليه يعنى

هههههههههههه انا قلتلك على رأيى فغى حكايه جديد وقديم

هو طبعا مش موجود فى المنتدى هنا
يعنى جديد بالنسبالك

بس انا قريته تسعين مره :p

ههههههههههه بس بجد جامد وتسلم ايدك

وعاوزين الجديد بس ابعدى والنبى عن حكايه الولاد والبنات والرجاله والستات

الصراع الابدى ده مش هنوصل فيه لنتيجه

اكيد ياليدو البنات بيعجبوا بيهم عطف وحنيه
هو فى شباب اصلا كويسين عشان نبصلهم
بلاش بقى افتح ههههههههههههههههههههه


وملحوظه
"اى موضوع اكتبه انا اكيد هيبقى كويس"هههههههههههههههههه
ماشى ياسيد ليدو