لــــــمن يــجروء

* طيب وايه اللى مانعك من ده ؟
اللى مانعنى انى نفسى اعمل حاجات كتيره اوى بس المجتمع اللى انا عايشه فيه منغلق جدا
ومش معنى كده ان انا نفسى اعمل حاجات غلط خالص والله بس انا عايشه فى قريه يعنى انت لو عطست
البلد كلها هتعرف انك عطست واى حاجه بتتعرف وبتكبر وتبقى فضيحه وانا بطبيعتى مبحبش حد يجيب سيرتى


* وايه معنى الكبت ده بالنسبالك ؟ ( يعنى مش يمكن يكون انتى بس اللى شايفه انه كبت ) ؟
وهى دى فعلا مشكلتى لان كل الناس عايشه بالاسلوب ده يعنى بناكل ونشرب ونام وحتى الشغل بيبقى تقليدى مفيش فيه ابتكار وهو دا الكبت الحقيقى انك تحس ان الناس كلها ماشيه فى طريق وانت فى طريق تانى

* طيب يا ترى معشتيش قصه حب بسبب الكبت اللى اتكلمتى عنه ده ؟ ولا لانك مقابلتيش دقله قلبك ؟

والله للسببين وكمان انى مبحبش اعمل حاجه من ورا اهلى وانا متاكده من ان اهلى رافضين فكره الحب
وبيعتبروه عيب وحرام لما ميكنش بشكل رسمى وعلى فكره انا كمان معاهم الى حد ما فى الراى ده
لانى مقتنعه جدا ان البنت ماهى الا سمعه

وبما انك محبتيش ((( البلد : عقل حبيبى ))) ؟؟؟!!!

ايوه لان دا اللى انا نفسى فيه نفسى اللى يحبينى ميحطنيش فى قلبه بس لكن اكون مسيطره على تفكيره زى ماهو هيكون مسيطر على عقلى وقلبى وروحى

وعلى فكره الاسئله اللى فاتت دى انتى مش مجبره تجاوبيها لانها مالهاش علاقه اوى بالمنتدى

لا اسال براحتك وكمان الاعضاء وعلى فكره انا مستمتعه جدا سواء شخصى او فى المنتدى

عارف دى وكمان احب اشكرك على صور حماقى اللى من كواليس الكليب

لا شكر على واجب انت مش عارف انا لما بشوف صوره جديده بيحصلى ايه ببقى هموت واجيبها

بس يا ريت انك تحاولى تشاركى فى الموضايع الكتابيه ومش شرط يعنى تكون شعر اى حاجه تعبر عن وجهه نظرك

على الاقل نعرف دماغك وطريقه تفكريك

هحاول ان شاء الله بس تكون حاجه انا بحبها اما بالنسبه لطريقه التفكير فانا بشارك برايى فى تقريبا كل المواضيع

اممممم الحقيقه انتى حيرتينى يلا نلتقى بعد الفاصل
حيرتك ليه اسال برحتك خالص وانا اجاوبك

ممكن يا خالد اجاوب على اسئله سيما كلها
بعد اذنك طبعا وبعد لما تخلص انت خالص

لالالالالالالالا
متجوبيش على الاسئله سيبك من الاسئله دى كلها
انا هسئلك سؤال واحد بس تبع المنتدى

ايه اكتر موقف حصل ليك بالمنتدى خلاكى مضيقه؟


معلش يا عم خالد بس انا فعلا مقرتش قوانين الموضوع كويس

هما موقفين
الاول كان قريب وهو انى لقيت توقيع احد الاعضاء مستفذ ويحمل فى شكله الاستفزاز
اه هو كل واحد حر فى توقيعه دون ان يجرح فى مشاعر الاخرين

الموقف التانى كان فيه مره واحده بتسال على مواقع حماقى فانا رديت عليها بدون ذكر اسم اى منتدى تانى
اتبعتلى رد معناه انى انا بعمل اعلان للمنتديات التانيه انا بصراحه ساعتها مفهمتش حاجه

فى حاجه بقى بتخلينى متغاظه اوى انت عارف ايه لما اتعب فى انى اجيب موضوع مهم مثلا
والكا يدخل يتفرج ومحدش يعبرنى برد واحد ههههههههههه

عندك حق
بالنسبه للموقف الاول انا عرفه

الموقف التانى عادى ياستى محصلش حاجه

الحاجه الاخيره دى فعلا اكتر حاجه بتضايق اى عضو
بيكون عامل موضوع و ميلاقيش غير مشهده بس
مفيش حتى كلمة شكرا تقال لصاحب الموضوع

(وانا بطبيعتى مبحبش حد يجيب سيرتى)
اكيد مفيش حد بيحب ان الناس تجيب ف سيرته
حبيت بس اوضح
هههههههههههههههههههههه

كمان الحب عمره ماكان عيب دى من وجهه نظرى
ممكن انتى بتبصى للموضوع من ناحيه الاتصاات والكلام ومش بيكون فى ارتباط رسمى
ففى ناس عادى يعنى بتبقى مرتبطه بس مش لازم يتصلو ولا يتكلمو بس مجرد انهم عارفين انهم بيحبوا بعض
عشان ان شاء الله يبقى لبعض بعدين
دى بردو وجهه نظرى


سؤالى ليكى
بم انك ف فريه صغيره زى مابتقولى
شايفه ان النت الى حد ما تعملى الحاجات الى نفسك تعمليله ومش عملتيها؟؟؟
وياترى بم انك عمرك ماحبيتى او ارتبطتىللاسباب الى قلتيها
عمرك ماحسيتى بالاعجاب بأى شخص كلمتيه ع النت؟؟؟؟؟؟؟؟؟

اسئلتى لو مش حابه تجاوبيها براحتك طبعا


واشوفك بعد المجموعه التاليه ياقمر
ههههههههههههههههههههههههه

اسئلتى لو مش حابه تجاوبيها براحتك طبعا

ازاى يعنى دا انا بموت فيكى يعنى اى سؤال تقوليه امر ليا

ممكن انتى بتبصى للموضوع من ناحيه الاتصاات والكلام ومش بيكون فى ارتباط رسمى

ايوه انا قصدى كده فعلا

ففى ناس عادى يعنى بتبقى مرتبطه بس مش لازم يتصلو ولا يتكلمو بس مجرد انهم عارفين انهم بيحبوا بعض
عشان ان شاء الله يبقى لبعض بعدين

ازاى يعنى انا عمرى ماشفت اتنين بيحبوا بعض بالصمت ابدا هى الحكايه ممكن تكون بيعجبوا ببعض فى صمت
وبعد كده لازم حد فيهم يتكلم افرضى دا كان احساس اتفهم غلط اعتقد ان الكلام بيوضح حاجات كتير

شايفه ان النت الى حد ما تعملى الحاجات الى نفسك تعمليله ومش عملتيها؟؟؟
تقريبا الى حد ما وعلى فكره انا كل نشاطى على النت تقريبا يعنى فى الموقع ده وكمان مش بعمل شات خالص يمكن مره واحده وكان برضه على الموقع هنا وكان شات سخيف جدا لانى معرفتش اقول ايه ههههه
حتى التعارف مع الشباب على الخاص انا رفضاه نهائى

عمرك ماحسيتى بالاعجاب بأى شخص كلمتيه ع النت؟؟؟؟؟؟؟؟؟
صدقينى لا

واشوفك بعد المجموعه التاليه ياقمر
ماشى يا جميل انا فى الخدمه

ازاى يعنى دا انا بموت فيكى يعنى اى سؤال تقوليه امر ليا
مسمرتينى يابت
هههههههههههههههههههههه

بس بردو هتسئلى تانى
هههههههههههههههههههههه

صدقينى لا
مصدقاكى ياحبيبتى وربنا

اسالى برحتك يا جميل بس والنبى نادى على خالد

هو نسى ولا ايه ههههههه

ياخاااااااااااااااااااااااااااااالد
خااااااااااااااالد
خاااااااالد

هههههههههههههههههه
انا بنادى اهو
هو زمانه جاى على بليل كدا
هتلاقيه جه
ههههههههههههههههه

بس انتى مش خايفه ده يعملك شخصيه تانيه غير شخصيتك ؟؟ يعنى يكون ليكى شخصيه ع النت وشخصيه واقعيه غيرها ؟

او من ناحيه تانيه ده مش بيأثر على علاقاتك الاجتماعيه ؟ يعنى علاقتك باهلك اصحابك القدام معارفك ؟

ليه يعملى شخصيه تانيه اذا كنت انا بتعامل بنفس السلوب والمبادىء والتفكير يبقى هيعملى شخصيه تانيه ازاى

كمان المختاف فى الشخصيتين هو الاسم بس
وعلى فكره مش بياثر خالص وكمان فى حاجه انتو اصغر منى فى السن وانا بقدر اتعامل معاكم دا خلانى
اقدر اتعامل مع اقاربى اللى اصغر منى وبقيت فهماهم

واعلقك لحد ما يبانلك اصحاب ولو بانلك اصحاب هعلقهم جنبك

ياعم اتكلم على قدك هههه دا انا ممكن ابعتلك سم فى الرساله واخلص منك
وتبقى اول رساله قاتله على النت


نكمل بعدين ان شاء ال

بس متتاخرش ماشى

مقالة:

ازاى يعنى انا عمرى ماشفت اتنين بيحبوا بعض بالصمت ابدا هى الحكايه ممكن تكون بيعجبوا ببعض فى صمت وبعد كده لازم حد فيهم يتكلم افرضى دا كان احساس اتفهم غلط اعتقد ان الكلام بيوضح حاجات كتير

والله انا معاكى فى دى واستغربنت من السؤال اصلا مفهمتش يعنى ايه ناس بيحبو بعض ومش بيتكلمو ولا بيتصلو !!!



لاء وحياه ربنا انا اعرف اتنين كدا
هو قالها انه معجب بيها وبيحبها وهى مش رفضت ودلوقتى مش بيكلمو بعض ولا بيتصلو وكلامهم كله زى اى اتنين زمايل
بس ان شاء الله كلها سنه ويتخطبوا يعنى
وكل الكليه بتتعامل على انهم مرتبطين

سيان ياجماعه مش هنختلف
وبعدين زى مافى دا فى دا

وكل الكليه بتتعامل على انهم مرتبطين

يعنى متسيحلهم فى الكليه كلها يعنى البت اتفضحت

وهو ممكن يطلع ندل ولا يخطبها ولا حاجه

لالالالالالالالالالالالالالالالالا
عيييييييييييييييب
دا هو راجل بمعنى الكلمه
شخصيه كويسه جدا
بس ياريت متنقوش فيها وسيبو الناس فى حالها
ههههههههههههههههههههه

اولا حمدالله على سلامتك يا كاسبر

بعد اذنك هسألك سؤال يا توـتا ..
من غير ادن اسال برحتك


بما انك ملكيش شروط في الارتباط والحب والكلام دا, بتتعاملي مع الجزء دا إزاي, بمشاعر من غير شروط برضو ؟
وهل الحب عندك من القلب بس بدون تدخل العقل؟ وليه!

بص انا هقولك حاجه اهم حاجه فى المشاعر الحقيقيه تبقى من غير شروط يعنى مفيش حد بيقول انا هحب واحده شكلها كدا ومفيش واحده برضه بتخطط قبل ما تحب
لان الحب بييجى مره واحده افش يعنى من غير اى مقدمات ومن غير شروط والدليل على كده انك ممكن تلاقى اتنين بيحبوا بعض اوى ومفيش بينهم اى تناسق فى المستوى المادى او فى الاجتماعى او حتى الشكل

بس للاسف انا عقلانيه جدا يعنى لازم افكر فى الارتباط واحط شروط وقصدى هنا بالارتباط الرسمى
مش الحب لان الحب دا من القلب والقلب غالبا مابيسمعش كلام العقل بس الغقل ممكن يميل الى كلام القلب

احم اجم
اقدر اقول اللى فهمته من كلامك
ان انتى بتفكر فى الحب اللى بعد الجواز
صح كلامى ولاغلط
سؤال تانى
هل ممكن يحدث بين اتنين متجوزين بالطريقة التقليدية حب بعد الجواز ولا مش ممكن

تقريبا صح بس على فكره انا عمرى ما هتجوز واحد الا لما احبه

والحب ده هييجى فى فتره الخطوبه وهيكون حب بشكل رسمى و هيكون عندى الجرأه انى اقول للناس كلها
عنه لان اهلى هيكونوا عارفين وكمان المجتمع اللى انا عايشه فيه هيتقبله ويرحب بيه
ساعتها هحس انى مش بعمل حاجه غلط ولو مجاش يبقى كل واحد فى طريق والموضوع فركش

كمان ممكن ميحصلش نصيب فى الخطوبه دى حتى بعد مااحبه ولما ارتبط بواحد تانى هيكون عارف بالاولانى
وهيتقبل الفكره انى كنت بحب الاولانى
لكن بقى السؤال لو انا بحب واحد عادى من غير ارتباط ومحصلش نصيب وارتبطت بواحد تانى هل هيكون عندى الجراه

انى اقوله انا كنت بحب واحد تانى عيرك وهل هو هيتقبلها وعلى فكره كل الرجاله بيكونوا شرقيين اوى فى الوقت
ده وبيحسوا ان البنت دى مش مظبوطه

كلامك صح ده فى حاله الخطوبه بدافع انه يكون بيدور على عروسه وبس وفعلا فى الوقت ده بيكون الراجل شرقى اوى الا فى حالات قليله اوى

اشكرك انك فهمت وجه نظرى يا خالد
ودلوئتى مع المجموعه الاخيره
بجد انا زعلت دا لما انت قولت الكلمه دى _
ايه اكتر سؤال احرجك ؟ او اى سؤال مكنتش تحب تتسئله
مفيش للا سؤال احرجنى وكل الاسئله منك او من الاعضاء كنت مستمتعه بيها لانى حسيت انى انى بعبر عن رايى
من غير ما حد يقولى لا متقوليش رايك


_ خرجتى من الموضوع مستفيد ولا مكنتيش تحبى تشاركى ؟
مستفيده جدا وحبيت المشاركه اوى



؟ ايه اكتر سؤال عجبك ؟
سؤالك ليا عن الحزن اللى جوايه وكمان سؤال سيما الاخير عن الجواز من غير حب

لو بعد فتره طلبت منك تكونى موجوده تانى فى الموضوع هنا ؟
هتوافقى وانت مبسوطه جدا جدا جدا

لو حطيتى نفسك مكانى : تختارى مين ؟؟ وايه اهم سؤال هتسئلهوله
اممممممممم هختار جوجو طبعا مش انتقام والله بس عشان بحبها نفسى اعرف عنها كل حاجه
وهسئها سؤال واحد هل رغم صغر سنك ممكن تحبى وكمان تكون قصه حب حقيقيه وتستمر للجواز

ولازم كمان اشكرك على وجودك لان الحلقه بجد عاجبانى
وبجد عجبانى انا كمان اوى وبشكرك يا ليدو جدا وبشكر جوجو وسيما وكاسبر جدا على مشاركتهم واهتمامهم

والله ياتوتا بجد دى احلى حلقه انا استمتعت بيها جدااااااااااااااااااااا
وسعيده اكتر بيكى
وشكرا ياخالد للحلقه الحلوة دى

حلقه حلوه جدا يا ليدو

ربنا يكملك بعقلك يا توتا

مبروك الافراج يا توتا

ميرسى يا جوجو ياقمرايه وشكرا ليكى بجد على الاسئله

وميرسى ليك يا جولدن مع انى كان نفسى تسالنى اى سؤال
وحكايه العقل انت بتتكلم بجد ولا هزار


وميرسى يا سيما على الاسئله الجميله اوى اللى عجبتنى بجد
وياعم لمن يجرا للرجاله عقبال ما شوفك واعصرك ههههههه