شوفى يا ستى
أولا : هل ممكن نميل الى القلم ؟
أنا عن نفسى ايوه طبعا لإنه تعبير عن فكر او شخصيه متفقه معاكى
ثانيا : هل ممكن ان نميل للشخص بسبب قلمه ؟
ممكن أميل بس من حيث صداقه واحترام و إعجاب بفكر الشخص دا لأنه ساعات بيلمس حاجات داخل الإنسان فتأثر فيه تخليه يقرب ويميل للشخصيه دى
ثالثا : هل ممكن ان نصل لدرجة الإفتتان بالفكر أو بالأسلوب ؟
اه اكيد طبعا لإنى لما اكون بحب اسلوب اى حد وفكره أكيد هكون عارفه انه اى حاجه بيكتبها بتكون روعه فهوصل لإنى استنى كتاباته واسلوبه لإن اسلوبه هو اللى بيعجبنى فهيوصل لمرحلة الإفتتان بالأسلوب
رابعا : هل يتحول الإحترام و الإعجاب الى انجذاب ؟
من وجهة نظرى لا لأنه لازم مش نفصل عن ارض الواقع دا فكر وشخصيه مجهوله مش تعرفيها الا من خلف الشاشه فقط قد تكون وهميه ومش ليها وجود فى شخصيته بالمرة دى حاجه ودى حاجه تانيه
خامسا : متى تخرج المشاعر عن السيطره ؟
لما نخلى عقلنا فى غيبوبه ويكون القرار والتفكير بالقلب فقط وعندما نفقد السيطرة على عقلنا ونعيش الوهم
سادسا : ما السبب فى ذلك ؟
ممكن السن وممكن فقدان الإحساس بالأستفرار ايا كان نوعه وممكن يكون طبيعة الشخصيه نفسها
سابعا : و هل هذا خطأ ؟
مؤكد لإن افتقاد ايا من الأتنين القلب او العقل وعدم السيطرة على اي منهم تؤدى للخسارة حتما بس فى اعتقادى سيطرة القلب دائما خسارتها اكبر من سيطرة العقل لوحده لازم نمسك زمام الأتنين مع بعض ومش نخلى واحد يفلت منهم
دا كان رأيى الشخصى وردى
![[ مشرفة قسم إلصور ونآدي الأهلي ]](https://2img.net/r/ihimizer/img47/8378/moderatorwu9.gif "[ مشرفة قسم إلصور ونآدي الأهلي ]")
![[ مــرآقـبـه عـامـه ]](https://2img.net/r/ihimizer/img47/6496/observeryf6.gif "[ مــرآقـبـه عـامـه ]")
