قصيدة الجيش العربى فين

قصيدة الجيش العربى فين للشاعر محمد بهجت

الجيش العربي في مصر
ساكن في مدينة نصر
بيصحى من النوم العصر
وبيفطر شاي و منين

واحد اتنين الجيش العربي فين
الجيش العربي في سوريا
حالق عالموضة كابوريا
وعلى طريقة فكتوريا
خلّى الترماي بدورين

واحد اتنين الجيش العربي فين
الجيش العربي الليبي
زيّ الفن التكعيبي
كله بتنجان يا حبيبي
الظاهر واخد عين

واحد اتنين الجيش العربي فين
الجيش العربي خليجي
ما فيه حيل لا يروح ولا ييجي
هذا صمت استراتيجي
اش فيك يا غراب البين

واحد اتنين الجيش العربي فين
الجيش العربي في تونس
اخضر مثل البقدونس
وعزيزة بتعشق يونس
يبقى الحروبات بعدين

واحد اتنين الجيش العربي فين
الجيش العربي سوداني
سامع رنّته بوداني
هو انا هاهجم فرداني
يالا ارجع يا ابو حسين

واحد اتنين الجيش العربي فين
الجيش العربي اتهان
يوم ما انضربوا الأفغان
وسكت في البوسنة زمان
واحد اتنين الجيش العربي فين

لتحميل القصيده فيديو من برنامج العاشره مساءا

http://www.mediafire.com/?wnzc4mze1b1

هوصح فين الجيش العربي.........................؟

هم يبكي وهم يضحك

ميرسي جولدن

اه فعلا هم يبكى وهم يضحك

ميرسى نانا للمرور

» موقع لتحميل الافلام العربى و الاجنبى و الاغانى و البرامج....
» امرأة حمقاء " قصيدة جميلة
» الدورى العام هزيمة الزمالك من طلائع الجيش
» كيف تكتب قصيدة شعر
» قصيدة جميله للغايه