الخيانه

موضوع: الخيانه الأربعاء نوفمبر 11, 2009 6:03 pm

إيه أكتر قسوة من إحساس الخيانة في الحب..
لما تحس إنك اتخدعت .. لما تندم على كل حاجة حتى اللحظات
الحلوة اللي قضيتها مع الطرف التاني.
الخيانة ..
قد إيه بتكون مؤلمة.. وقد إيه بتكون مهينة
.. وقد إيه بتخلي الإنسان يشعر بالدونية وبالغباء في وقت واحد
؛ لأنه استأمن إنسان
-مايستحقش- على أغلى حاجة عنده.. قلبه.
أسوأ شيء ممكن يحصل في أي علاقة حب
هو الخيانة،
لأن الحب مبني أساسا
على الإخلاص والصراحة والثقة..
والخيانة –بمنتهى البساطة- بتنسف المعاني دي تماما.
مش دايما بتكون الخيانة واضحة زي الشمس..
ممكن تكون بتخون وإنت مش واخد بالك.
احنا طبعا مش بنتكلم عن إقامة علاقة جسدية مع شخص آخر،
بس بنتكلم على حاجات صغيرة بتندرج تحت بند الخيانة
بس احنا مش واخدين بالنا منها..
من الحاجات دي مثلا:

• إنك تشارك شخص آخر أفكارك القريبة ليك قوي على المستوى الإنساني
عشان حاسس مثلا إنه هيفهمك أكتر،
وماتتكلمش في الأفكار دي مع الإنسان اللي إنت مرتبط بيه.

• إنك تتعامل بود زيادة مع شخص بعينه و"تفكر" فيه
على إنه ممكن يكون شريك حياتك، في الوقت اللي إنت مرتبط فيه بغيره.

• إنك تمضي وقت كبير معاه حتى لو كنتم داخل "شلة" وإنت مرتبط بغيره.
الصراحة والصدق هما أصل الحب.
والحب هو اللي علمنا إننا نبقى في حالة استقرار بسبب وصولنا للحقيقية.
. حقيقة مشاعرنا نحو الآخر.. حقيقية مشاعر الآخر نحونا
.. وحقايق تانية كتير عن العالم اللي حوالينا.
ممكن نعتقد للحظات إن الصراحة مؤلمة، بإنها ممكن تجرح مشاعر
الآخرين لأنها بتبعد عن المجاملة..
لكن الحقيقة هي إن الحب هو أبعد ما يكون عن المجاملات
أو الخداع (حتى لو كانت النوايا طيبة).
الكدب الأبيض أو إخفاء جزء من الحقيقية
(اللي احنا مش بنعتبره كدب طبعا!)
، بيرسم حواجز بين الحبيبين، وبيخليهم يتعودوا إنهم يخبوا
على بعض بالتدريج، وساعتها ممكن يحصل ما لا يحمد عقباه.
ولو الفاس وقعت في الراس..
لو الكلام ده مالوش أي معنى بالنسبة لك، لأن الفاس
وقعت في الراس بالفعل، وعاوز ترجع علاقتك زي ما كانت،
ومش عارف تعمل إيه، حط الكلمتين دول في دماغك..
حط في دماغك إن لما الموضوع ده حصل،
ثقة حبيبك فيك اتدمرت تماما، وإنك محتاج تبني ثقته فيك تاني
ومن أول وجديد.. ولو إنت عاوز تكسب حد جديد،
ده هيكون أسهل لك كتير من إنك ترجع ثقة حبيبك المفقودة فيك
. وعشان ترجع الثقة دي لازم يكون فيه مصارحة وتحمل لمسئولية العواقب اللي هتحصل وردود الأفعال اللي ممكن تكون عنيفة جدا.
الشخص الآخر يستحق إنه يسمع الحقيقة، ولما يسمعها منك
شخصيا هيكون أفضل من لو سمعها من بره.

اتكلموا في الموضوع مع بعض.. ناقشوه في مكان هادي
وخاص ومريح ليكم إنتم الاتنين.
اشرح اللي حصل واشرح أسبابك ودوافعك واعتذر
عن الألم اللي إنت تسببت فيه.
اعرف إن للشخص الآخر مطلق الحق في إنه ينفعل ويغضب ويثور.
واعرف كمان إن الرجوع للقواعد سالما هيتطلب وقت
ومش هيحصل بسهولة، واللي يحدد مسألة
الوقت دي
هو حجم المشكلة ومدى مقدرة حبيبك على التسامح.
المصارحة هتكون عاملة زي عملية الكي لأي جرح مفتوح..
الكي أكيد مؤلم.. بس اللي أكتر إيلاما منه هو إن الجرح يفضل يكبر
من غير أي أمل في إنه يقفل.

موضوع: رد: الخيانه الأربعاء نوفمبر 11, 2009 6:51 pm

نايس توبيك ميسو

بجد كلام هايل ومحدش يعرف اد ايه الخيانه مرة الا اللى جربها

موضوع: رد: الخيانه الأربعاء نوفمبر 11, 2009 7:11 pm

أكيد طبعا يا جولدن ربنا ما يوقعنا فى حد خاين ابدا

ميرسى للمرور

» قصه عن الخيانه
» الخيانه
» الحب في زمن الخيانه
» كلمات عن الخيانه