ايهما اخطر(دعوة للنقاش)

في البداية اتمني ان الموضوع يعجبكم
بس بليز كل اللي يدخل يرد علي الموضوع لاننا فعلا محتاجين نتكلم في الموضوع ده
انا لفت نظري الموضوع ده وعجبتني فكرته خاصة اننا في فترة الاجازة
مش هاطول عليكم وهادخل في الموضوع
ايهما اخطر
الوحدة ام الفراغ
؟؟؟؟؟؟؟؟؟؟

أيهما يفزعنا أكثر؟
الفراغ ام الوحده ...؟
الوحدة أن يكون حولك ألف انسان
فلا تحس منهم بأحد
ولا نصف أحد
والفراغ أن يكون حولك كل البشر
تراهم.. وتحس بهم..
لكن وجودهم كالعدم
كلاهما خطير اذا..
وكلاهما من الآخر أخطر؟
خطر الوحدة أن معظم الناس وحيده بالرغم ان حوليهم ناس كتير
فالوحدة إحساس.. لا انسان هنا أو هناك
الفراغ كالوحدة ايضا.. مجرد إحساس
لكنه إحساس يرتبط بالآخر
يرتبط دائما بغياب الآخر
عندما يكون مجرد شيء يتحرك..
يبكي ويضحك..
بلا مشاعر أو إحساس
فيبقى جسدا.. كباقي الاجساد
شيء من بشر.. وشيء من حجر..
وشيء من فتات

هو قدرنا..

تساؤلات كثيرة حول هذا الموضوع
الذي ربما اختلطت فيه الافكار وتنازعت عليه الاراء
فما رأيكم انتم
ايهما اخطر
اتمني الموضوع يعجبكم
تحياتي رولا

ميرسي جدا يا رولا يا قمر علي الموضوع الجميل ده بس انا بصراحة مش بتفرق عندي وحدة من فراغ لان الوحدة انا متعودة عليها وده بسبب ان انا انطوائية بطبعب وانطوائبة جدا كمان فالوحدة بالنسبالي مش خطيرة اما الفراغ فهو خطير ومش خطير خطير لو مقدرناش نتغلب عليه باي حاجة مهما كانت ومش خطير لو قدرنا نتغلب عليه والفراغ بالنسبالي انا يا اما هو يقتلني يا اما انا اقتله والحمد لله بقدر اتغلب عليه بس مش علي طول

امممممممم
بس في حالتك انتي انا حاسه انك بتحبي انطوائيتك وبتحبي وحدتك
في ناس الوحدة بتقتلها فعلا
وان مالقوش حد حواليهم بيضطروا انهم يعملوا اي حاجة غلط كانت او صح
وبالنسبة لرأيك في الفراغ انا شايفة انك مستهونة بيه شوية
الفراغ لو مش حواليكي حد يوجهك ممكن تستغليه في حاجة وحشة
لان النفس البشرية بطبيعتها بتحب تجرب كل حاجة
وانتي عارفة ان الممنوع مرغوب
وياسلام كمان لما الواحد يلاقي وقت فراغ كبير عنده
يبقي بالسلامة
ولا انتي ايه رأيك
وميرسي لمرورك لبنانية بانتظار ردك

والله يا رولا انا مش مستهونة بيه ولا حاجة كل الحكاية ان انا وقت الفراغ بتاعي مش بيبقي كتير فبقدر اتغلب عليه لانه مش علي طول موجود فهماني

اها فهمتك
بس احنا بنتكلم عن ايه الاخطر بالنسبة ليكي
يعني مثلا مستقبلا لو اتجوزتي وخلفتي
هتخافي علي ولادك من ايه اكتر؟؟؟؟

الوحده ممكن عشان انا احب اكون وحيد بس الوحده احسن ليه

الصراحة ابقه بكدب عليك لو قلتلك اني فهمت كلمة واحدة

اخاف عليهم من الاتنين

هههههههههه دبلوماسية انتي
ههههههههههههههههه
ماشي ياستي يارب يخليهملك ويحفظهملك
بس لما يجوا الاول
ناوية تعزميني علي الفرح ولا ايه

مش لزم تفهمي امه تكبري ابقه اقلك

موضوع جميل يا رولا لان الجميل مش ممكن يقول حاجه وحشه
وانا بحب الوحده اووووى بحب اكون منعزله عن الناس بس مش لمده
طويله بس الوحده صعبه .
والفراغ ده بحاول اتغلب عليه باى شكل ممكن مثلا ادخل النت كده باتغلب
عليه وممكن اروح عند اصحابى كده باتغلب عليه يعنى انا بحاول اتغلب عليه وبانجح وباتغلب عليه
وميرسى تانى على الموضوع

جيمي انا ندمانة ياجيمي
يخرب بيت اللي يزعلك
وشوشو ميرسي لمرورك انتي عشان حلوة شيفة الموضوع حلو ياقمر

الوحده طبعا من وجهة نظرى لان الانسان فى اوقات كتير بيحتاج يتكلم يفضفض مع انسان قريب منه اما الفراغ ممكن اى حد يستغله فى اى حاجه مفيده

اها ميرسي جولدن للمرور
ناس كتير فعلا بيشوفوا الوحدة اصعب
ميرسي نورت التوبيك

انتي يابت انتي اللي بتسألي السؤال ده يامنيلة علي عينك
الوحدة طبعا طبعا طبعا اخطر بمليون مرة
لسبب
ان الفراغ ممكن نقتله
وكمان لو في حد معانا في وقت الفراغ
مش هنحس بالفراغ ده اصلا
لكن لو وحيدة
هتحسي بفراغ كبير اوي في حياتك
وفي نفس الوقت هتحسي بالوحدة
وشعور الوحدة ده بيقتل صدقيني
لا وتصدقيني ليه انتي اكتر واحدة عارفة الموضوع ده
وميرسي عالتوبيك فكرته حلوة اوي

يا ماما انا بطرح الموضوع ده للنقاش
مش عشان اقول انا رأيي فيه
انا عملاه عشان اعرف رأي الاعضاء
انتي عارفة كويس اوي ان الوحدة بالنسبة لي اخطر بكتير
وميرسي لمرورك يا جميل

غريبة يا ايملي انك انتي اللي بتقولي كده
مع انك مش مصاحبة حد الا رولا
ولو مالقيتهاش جنبك مابتكلميش حد غيرها
يعني وحيدة
والاقوي من كده بحس انك فرحانة بوحدتك
؟؟؟؟؟؟؟
مش معايا انتي في الموضوع ده يارولا

لاء يا ماما
بس انا ورولا علي طول مع بعض مابنسيبش بعض ابدا
فمش بحس بالوحدة لان الوقت اللي هيا مش بتكون معايا فيه
بكلمها عالموبايل او عالنت
يعني هاحس بالوحدة ازاي بقه
انا اللي مش بحب اعدد علاقاتي الاجتماعية
لان معظمها بتبقي فاشلة
كفاية عليا اوي رولا
الواحد المفروض مايكونش طماع ويحمد ربنا انه لقي صديقة زي رولا تبقي معاه علي طول
وفي نفس الوقت مش بتندل ولا بتبيع
احمد ربنا بقه عليها وارضي باللي ربنا كتبهولي
وعصفور في اليد خير من عشرة علي الشجرة
ولا ايه يارولا

انا هنام انا بقه شوية لغاية ما تبطلوا خناق ابقوا صحوني
مش طالبة وجع دماغ

ههههههههههه
طب اصحى يا رولا خلينا نتخانق شويه

ههههههههههههههههههههههههههههههههههههههههههههههه
انا شايف انه الوحدة صعبة جدا لانه زي ما قلته الفراغ سهل جدا انه الواحد يقضي عليه بس الوحده صعبة وصعبة كتير