هل ستقبل العرض ام لا(دعوة للمناقشة)

في الاول بتمني الموضوع يعجبكم
وتتفاعلوا معاه
والغرض الاساسي من الموضوع ده
هو النقاش والتحاور واننا نعرف رأي الاعضاء

لو عرضت عليك الجنسية الامريكية بهذه الشروط والمزايا :

- يجب ان تعيش في امريكا مدى الحياة.
- تحصل على وظيفة مرموقة جدا.
- راتب اكثر بكثير مما تتوقع 0
- ظمان البقاء في هذه الوظيفة حتى سن التقاعد .
- لديك اسبوع واحد فقط في السنه لتزور مسقط رأسك .
000 هل ستقبل-ي العرض أم لا ؟؟ ولماذا ؟؟

مستنية ردودكم
تحياتي رولا

طبعا اه ليه بقه
عشان مش هلقي فرصه زي ده

هي بصراحة فرصة فعلا ومزاياها جميلة الا حاجتين اللي هي اسبوع ازور مسقط راسي وان انا اعيش ف امريكا مدب الحياة بس انا هرفضها عشان الحاجتين دول لاني زي السمكة لما بتطلع من البحر بتموت وانا مقدرش اسيب اسكندرية ولا مصر عامة لانها بلدي وبالنسبة ليا اجمل بلد ف العالم مهما حصل فيها

كل حاجة حلوة ليها مزاياها وليها عيوبها بردوا يا جيمي
يعني ماينفعش تبقي واثق بالطريقة دي انك هتحب العيشة هناك
بص انت اكيد يا جيمي واخد الموضوع من نقطة الفلوس والبرستيج وامريكا
بس في حاجة مهمة اوي انت نسيتها وصدقني مش بيحس بيها الا اللي مجربها
الغربة وحشة يا جيمي
انت هنا في بلدك لو احتجت اي حاجة مليون من هيساعدك
لكن هناك صعب جدا تلاقي حد واقف جنبك
ده غير ان ممكن جدا حقك ماتعرفش تاخده
ما انت في بلد غريبة مين السند اللي هيبقي معاك
انا عارفة ان ربنا اقوي من كل شيء
بس بردوا ربنا بيقول ولا تلقوا بأيديكم الي التهلكة
ولا انت ايه رأيك
ميرسي لبنانية لمرورك
وفعلا عندك حق في رأيك
نورتي التوبيك ياجميل

لا طبعا
لو هيدونى كنوز الدنيا كلها بلدى افضل واحسن
وشكرا يا رولا

بردوا انا هعارضك يا يويو
اصل انا حزب المعارضة
هههههههههههههه
بصي بقه ياستي احنا هنتكلم بصراحة اوكي؟
دلوقتي انتي شايفة الوضع هنا في البلد عامل ازاي
وشايفة كمان ان اللي بيتخرج يبقي ربنا بيحبه لو اشتغل
ولو اشتغل هيشتغل بكام مثلا يعني
يعني يا تري هيقدر يفتح بيت ويصرف عليه؟؟؟؟؟

اولا ميرسي لمرورك اسفار انتي فين يابنتي وحشاني بجد والله
بس انا ماقلتش اني مش موافقة علي العرض
ولا حتي قلت اني موافقة عليه
انا بس بوريكم انه فعلا سؤال صعب اوي

يبنتي خلاص اتعودنه علي الغربه

احنا هنصيع علي بعض
اتعودت عليها فين ان شاء الله
اما انت من اسكندرية

مش لزم تعرفي كل حاجه

طبعا ها ارفض الدعوه دى
لسبب واحد انها من امريكا لان امريكا دى اسات للرسول ده سسب كفايه اووووووووووووى
وشكرا على الموضوع يا رولا

اها انا فهمت كل حاجة ياجيمي
بس الحال من بعضه اصلاانا زيك
وميرسي شوشو لمرورك نورتي التوبيك ياقمر

انا شخصيا هقبلها لانى معتقدش انى هلاقى حاجه زى كده هنا

طب هتقدر علي العيشة هناك؟؟؟؟؟؟؟

رولا
سيبك من الوطنية اللي فيكي دي
انتي عشرة عمري وانا عارفاكي كويس
بتفكري بقلبك في معظم الاوقات
بصي
العيشة هناك هتبقي صعبة اوي اوي
واحساس الغربة اصعب واصعب
وبعدك عن اهلك ولما تحسي انك مالكيش ضهر تتسندي عليه
ومافيش حد يقف جنبك لو احتجتيله
ده كله شعور قاتل
مش صعب
بس اكيد اهون بكتير من انك تعيشي هنا وتبيعي مبادئك واخلاقك عشان تقدري تعيشي
الناس باعت مبادئها واخلاقها وياللأسف دينها
عشان تعرف تعيش في الظروف الصعبة اللي احنا فيها
وغلاء الاسعار الفظيع ده
مش بعيد بعد كده تبيع ولادها
ده ان ماكانش حد فعلا باع ولاده
اذا كان الواحد وخاصة الست
بيبيع نفسه عشان يعرف يعيش
مش هيبيع ولاده
ياست صلي عالنبي
مصر ايه اللي تقعدي فيها
هتقعدي تبيعي بطاطا ولا فجل
مستنية ردك
Emiely

لا يا ايميلي لا
انا معترضة معاكي في الرأي
وبعدين يعني يا ايملي
ايه الفايدة اني اروح هناك وانمي فلوسي عشان اقدر اعيش اولادي
وانا سايباهم للضياع
ايملي انا واحدة مجربة
عمرك ماهتحسي يعني ايه باباكي ومامتك يعيشوا بعيد عنك
وعشان ايه عشان الفلوس
يعني عشان يعيشوكي
الصراحة هو جميل في رقبتي
لكن مع احترامي ايه الفايدة الواحد يقعد ينمي فلوسه
ويسيب بيته ومشاكله
يا ايملي مافيش ولاد بيتربوا صح وابوهم او امهم عايشين بعيد عنهم
صدقيني مافيش
اصل احنا اصلا هنشتغل ونجيب فلوس لمين
مش لولادنا
طب ايه الفايدة اذا كان بعدنا عنهم اذا كان بيفيدهم بحاجة
بيدمرهم بحاجة تانية
لاء يا ايميلي لا صعب

انا معاكي جدا يارولا
ويا انسة ايملي بدل ماتقولي انتي الكلام ده
وانتي اكتر واحدة عايشة الظروف دي وفاهمة يعني ايه باباكي او مامتك يعيشوا بعيد عنك
احساس صعب اوي شعور الغربة يا ايملي
تغور الفلوس في ستميت الف داهية
لكن تفضلي في بلدك وسط ناسك واهلك
اقلها لما تحتاجي حاجة هتلاقي مليون واحد يقف جنبك
انا فاهماكي يا ايملي وعارفة انك بتقولي دلوقتي زمن الندالة
وماحدش بيقف جنب حد
لكن صدقيني احنا شعب بيقف جنب الواحد في المواقف الصعبة
احنا والله جدعان اوي
كل الموضوع ان فيه عيوب بسيطة فينا
وماحدش مافيهوش عيوب
ومشكلتنا كمان قلة الفلوس بس ده مش عيبنا احنا
ده عيب الناس النصابة واللي بتحب تاخد اكترمن حقها
والناس الاغنياء اللي مابيدفعوش الزكاة اللي عليهم
ومشكلة الناس اللي بيعملوا مشروعات ويفهموا الناس انها في صالحهم وهيا كلها نصب في نصب
فكرك لما تسافري هناك تبقي حليتي المشكلة يعني؟
لا ياماما انتي كده بتهربي منها مش بتواجهيها
واذا هربتي منها مرة عمرك عمرك عمرك ماهتقدري تحليها
حتي لو رحتي فين
مستنية ردك
ورد كل الاعضاء

بصي يا ريما
انتي كده كده هتعيشي ولادك
صح؟
ولا هتخليهم يصرفوا عليكي مثلا؟؟؟؟
لازم هتتصرفي وتشتغلي عشان تصرفي عليهم
تمام؟؟؟؟
فلو عشتي معاهم هنا ورفضتي العرض ده
مش بعيد ابداااا انك تعيشيهم بفلوس حرام
او
انك ليل نهار تشتغلي عشان تقدري تعيشيهم في مستوي كويس
وساعتها انتي نفسك ماهتبقيش طايقة تتكلمي معاهم وتعرفي مشاكلهم
لانك هتكوني اتحملتي فوق طاقتك من الشغل ليل نهار
او لو عيشتيهم بقلوس حرام
مش هتفضيلهم بردوا لان اللي رضي يديكي فلوس حرام تصرفي بيها علي ولادك
اكيد هيجرجرك لحاجات كتير وكلها حرام
وانتي فاهماني كويس
وحتي لو فضتيلهم
ايه الفايدة انك تقعدي تربي فيهم
وانتي نفسك سوري في الكلمة بتعملي حاجات غلط
يا اما هيكرهوكي ويعيشوا حياتهم هما ومايعتبروكيش امهم
يا اما هيعملوا زيك
يعني مافيش فرق كبير
بالعكس ده ممكن يكون السفر في مصلحتهم اكتر

ايه يا جماعة ريلاكس
انا شايفة الموضوع سخن اوي اهدوا شوية
في كلتا الحالتين هيبقي فيه ضرر
بايظة بايظة يعني
اتهدوا بقه
هههههههههههههههههههه

ههههههههههههه
بايظه بايظه
وخربانه خربانه
بس ريما عندها حق بجد تغور الفلوس
فى ستين دهيه

والله العرض كتير مغري وكتر حلوة
بس الواحد ما بقدر يبعد عن اهله كتير
بالنسبة الي طبعا
ممممممممممممممممممممممممممممممم
والله سؤال صعب ؟؟؟؟؟؟؟؟؟؟؟


مع حبي

اولا الف شكر على الموضوع لانه بجد يجنن
ثانيا انا اصلا بعيد عن بلدي ( فلسطين ) ولو طلعت اميركا مش حتفرق كتير بس الاهم من وين اعيش انه اهلي يكونوا معي

لا طبعا .............

ليه بقى يا رولا لا اتحداكى لو لقيتى انسان واحد بيطيق امريكانى واحد

ثانيا انا عربيه مصريه مسلمه جدودى وجدود جدودى اتبهدلوا ياما من الامريكان ومن غيرهم ومعنى انك تاخدى الجنسيه الامريكيه لو قالولك انضمى للجيش مش هتقدرى ترفضى ثالثا تشتغلى يعنى تفيديهم فيبقى فى بلدك احسن

حتى لو هشتغل ايه هنا تراب بلدى وناسها يغنونى عن فلوس الدنيا

ودا والله مش شعارات انا بجد بحب البلد دى اووووووووووووووووووى

ياستي ماقلتش حاجة
انا عن نفسي مش حابه اسيب مصر
وانتي بتقولي تراب بلدك ما ينفعش تسيبيه وكده
طب قوليلي بقه لما انتي وعيالك تجوعوا هتأكليهم تراب ولا ايه
لازم تكوني واقعية شوية يامنار
في الزمن ده اللي كل حاجة فيه عمله بتغلي بطرريقة فظيعة
والبطالة من دلوقتي الله اكبر عليها
يبقي لازم تفكري بطريقة احسن من كده
يمكن تفيدك اكتر من تراب بلدك ده