((( حاجة غريبة فى المنتدى )))

بجد انا شايف ان كل اللى بيدخلو يردو على اى موضوع بيقولو شكرا او توبيك حلو واشياء من هذا القبيل وقليل جدا لما بشوف رد فعلى عن الموضوع ويكون فية نقاش مفتوح بين الاعضاء ... يااااااااريت بجد يكون فية تواصل بين الاعضاء ونقاش وتقارب بينهم وبين بعض .... وان لا نكتفى بشكرا بجد المنتدى كدة حيفقد حاجات كتير قوى واهمها على الاطلاق النقاش الجاد بين الاعضاء وانا لاحظت كمان ان فية اعضاء بيكتبو مواضيع جاااادة جدا وفية اعضاء بيكتبو مواضيع رديئة قوووووووى طبعا مع الاعتذار للكل وانا لم احدد شخص معين انا بتكلم على العموم ... ياااريت لو عاوزين المنتدى يستحوذ على اعضاء جدد ويشد الاعضاء الموجودين بالفعل .... ان نقوم بكتابة مواضيع قيمة نستفاد منها ويحدث تفاعل بين الاعضاء

انا اسف اذا كنت طولت عليكم بس فعلا دة رائي والله اعلم اذا كان كلامى حيعجبكم ولا لا

عندك حق بس علي فكرة انا لما ببقي شايفة ان الموضوع بيبقي لازم يكون فيه تفاعل ولازم يكون ف مناقشة بكتب وبكلم اما لو عجبني بس مش محتاج مناقشة بشكر صاحب الموضوع

وانا كمان معك
لازم تكون المواضيع فيها تفاعل واللي يرد مش بس يرد بكلمة شكر لا لازم يناقش عشان يتفيد هو والجميع

والله معاك حق يا sm.sm وكان نفسي اتكلم في الموضوع ده من زمان ...
وعلى العموم لازم نشد حلنا شوية ونرفع من مستوانا وشكرا ...

عندك حق احنا لازم نطور المنتدى عشان يزدادو الزوار والأعضاء ...

والله كلامك صح ياسمسم

ياريت كل الاعضاء تعمل كدا

الاهم ان كل واخد يبدأ بنفسه ولا يكتفى بنقد الاخرين

LiDo0 كتب:: الاهم ان كل واخد يبدأ بنفسه ولا يكتفى بنقد الاخرين

مش فاهم معنى كلامك يعنى بتقصد انى اول واحد بعمل كدة ( صح ) .

بص يا اخى العزيز انا عندما كتبت هذا الموضوع لم اقصد به اى اساءة لأى شخص او بنقد اى شخص زي ما انت قلت فى المنتدى وكنت كل اللى بتمناه هو ان المنتدى يأخد شكل جديد او يحدث نقاش بين الاعضاء وتفاعل وانا لم ادخل اى موضوع يستحق النقاش ولم اناقش فيه او اضع رائى وحتى فى مواضيعى عندما يتناقش معى اى عضو بتناقش معه طيب بالله عليك اذا لم يحدث هذا النقاش بيننا وبين بعض ما فائدة المنتديات اكيد حيكون فية نوع من الاتفاق والاختلاف فى مواضيع كتير واكيد الكل حيستفاد من هذا الكلام حتى لو مش حيشارك ويكفية قراءة الموضوع .....

ويا اخى العزيز انت مشرف عام بالمنتدى واعتقد انك اكتر واحد يهمك هذا المنتدى ويهمك انه يتطور وكنت اعتقد انك ستدخل وتأييد رائى مثل Admin ولكن للأسف رأيتك زعلان من الموضوع كله.... وانا من هنا بقول لحضرتك اذا كان الموضوع مش عاجبك الغيه واذا انا كنت شخصيا مش عاجبك وطبعا لا اعلم السبب اوقفنى وليك عليا انها ستكون المرة الاخيرة لى فى دخول المنتدى اللى انت مشرف عام فية ويهمك مصلحته لأنك بهذا الاسلوب فى الكلام ستجعل الاعضاء يمتنعو عن اى نقاش وستهبط بالمنتدى كله لأن الاعضاء سيمتنعو عن دخول المنتدى لأن طريقه المشرف العام للمنتدى بهذه الطريقه مع الاعضاء

واخيرا لك منى وافر الاحترام

ورمضان كريم

يا ابو سمسم متأخدش الكلام بحساسيه كدا انا شايف ان كلامه صح ان كل واحد يبدأ بنفسه ويعدين يشوف الناس فين ..
ما هوا متقنعنيش ان انا او انت او اي واحد هنا هيعمل موضوع متاح فيه النقاش والافاده لجميع الاطراف ومش هنلاقي مشاركات وتفاعل فيه ..
ودا ميمنعش انك انت اول واحد بدأت لان موضوعك يعتبر باب ليا ولغيري انه يبدأ يعمل مواضيع مهمه ومفيده ..
تقبل مروري (:

Kasper كتب:: يا ابو سمسم متأخدش الكلام بحساسيه كدا انا شايف ان كلامه صح ان كل واحد يبدأ بنفسه ويعدين يشوف الناس فين ..
ما هوا متقنعنيش ان انا او انت او اي واحد هنا هيعمل موضوع متاح فيه النقاش والافاده لجميع الاطراف ومش هنلاقي مشاركات وتفاعل فيه ..
ودا ميمنعش انك انت اول واحد بدأت لان موضوعك يعتبر باب ليا ولغيري انه يبدأ يعمل مواضيع مهمه ومفيده ..
تقبل مروري (:

والله يا كسبر انا زعلت قوى لأنى مش واخد الموضوع بحساسيه ولا حاجه هو اتهمنى اتهام وقال لى انى بنقد الاخرين وانى اول واحد بعمل كدة .... طيب مهو طبيعى عشان كل الردود اصلا بنفس الطريقه وحتى لما بشوف موضوع فية نقاش بتناقش وكان والله كل همى ان المنتدى يتطور وهو انا مش عضو فيه ولا ايه ويهمنى المنتدى ... على العموم يا اخى اسعدنى مرورك جدا وكل عام وانت بخير

طيب
اول شي انا رديت من اول على الموضوع ولازم ارد كمان مرة
كلامك صح يا سمسم واحنا لازم كلنا نناقش المواضيع اللي يتم طرحها
وانا كتير مبسوط منك عشان اعطيتنا رايك

احنا ممكن ننتظر ليدو ونفهم منه شو معنه رده ( اكيد هو قصد شي تاني )

اولا احب اشكر ادمن على انه بعتلى لينك التوبك علشان اشوف اللى اتقال واكيد طبعا علشان ارد واوضح وجه نظرى

استاذ سمسم : انا هبدأ كلامى من نهايه كلامك وهو رمضان كريم
انا هرد على كلامك بالتفصيل ولو انى مش لاقى سبب يعنى لانك تكبر الموضوع

اقتباس :: [size=16]مش فاهم معنى كلامك يعنى بتقصد انى اول واحد بعمل كدة ( صح ) .

لاء مش صح ومدام مكنتش فاهم قصدى زى ما قلت يبئى كنت ممكن تستنى تعرف منى انا

انا كلامى كان واضح وهو ( الاهم ان كــــــــــــــــــــــــل واحــــــــــــــد يبدأ بنفسه بدل ما يكتفى بنقد الاخرين )
يعنى كلامى كان بوجه عام _ صحيح انت واحد من اللى اقصدهم _ لكن مش كل اللى اقصدهم

اقتباس :: بص يا اخى العزيز انا عندما كتبت هذا الموضوع لم اقصد به اى اساءة لأى شخص او بنقد اى شخص زي ما انت قلت فى المنتدى وكنت كل اللى بتمناه هو ان المنتدى يأخد شكل جديد او يحدث نقاش بين الاعضاء وتفاعل وانا لم ادخل اى موضوع يستحق النقاش ولم اناقش فيه او اضع رائى وحتى فى مواضيعى عندما يتناقش معى اى عضو بتناقش معه طيب بالله عليك اذا لم يحدث هذا النقاش بيننا وبين بعض ما فائدة المنتديات اكيد حيكون فية نوع من الاتفاق والاختلاف فى مواضيع كتير واكيد الكل حيستفاد من هذا الكلام حتى لو مش حيشارك ويكفية قراءة الموضوع .....

اناوضحت موقفى فى حكايه النقد او انى قلت عليك انت شخصيا او لاء
وهكرر تانى قصدى مكانش عليك انت بصفه خاصه
بس بالنسبه لانك بتقول انك لم تدخل موضوع يستحق النقاش ولم تناقش فيه
فدى وجهات نظر اذا انت شايف ان المواضيع اللى انت دخلتها متستحقش المناقشه فانا حابب اوجه نظرك لحاجه معينه وهى ان الموقع هنا مش منتدى عادى ( هنا رابطه عشاق ) يعنى بتختلف فى مواضيعها او ردودها عن اى منتدى تانى
لكن ده ممنعش انى موافق جدا ان لازم يكون فى نقاش

ومش عارف اذا انت شفت ايام ما كنت انا ومجموعه من الاعضاء اللى مش بيدخلو دلوئتى

زى سامح وايمن مثلا والباقييين بنات ملوش لزوم اذكر اسائهم

لكن الوحيده اللى بتدخل منهم دلوئتى هى( نور عينى ) مش عارف انت تفتكر الفتره دى ولا لاء

وتفتكر مواضيعنا كانت عامله ازاى

وانا عن نفسى وايمن وسامح من الناس اللى بعدو كتير عن المنتدى بسبب انهم مكانوش بيلاقو ردود فيها نقاش عقلانى فعلا

لكن هقلك حاجه شوف اعمال الاعضاء دلوئتى كام ؟؟
وشوف الردود دى طبيعيه بالنسبالهم ولا لاء !

وعموما احنا كلنا مستينن منك اولنا مواضيع جاده وفيها نقاش بس يا ريت نكون على اد مستواك الفكرى

اقتباس :: ويا اخى العزيز انت مشرف عام بالمنتدى واعتقد انك اكتر واحد يهمك هذا المنتدى ويهمك انه يتطور وكنت اعتقد انك ستدخل وتأييد رائى مثل Admin ولكن للأسف رأيتك زعلان من الموضوع كله....

احب اوضحلك انى لما رديت مردتش بصفتى مشرف عام
انا رديت بصفتى عضو عادى جدا شفت موضوع لفت نظرى ورديت فيه

وبالنسبه لانى المفروض ان يهمنى مصلحه المنتدى فانا مش هتكلم فى النقطه دى

ببساطه انت ممكن تسأل الادمن نفسه احنا عملنا ايه علشان المنتدى ده _ وطعا اقصد اخواتى اللى كانو بيشاركو معايا واللى مبئاش فاضل منهم حد دلوئتى غير نو عينى _

وطبعا مش معنى انى مأيدش رأيك انى عارضته بالعكس انا معارضتش رأيك

بس انا نظرتله من وجهه نظر تانيه
يعنى كفايانا كلام الاهم الفل والكلام برضه مكانش ليك لوحدك وبأكدلك تانى انا مش ضد موضوعك ولا انا زعلان منه _ لان ببساطه مفيهوش كلمه تزعلنى وانت اخونا _

اقتباس :: وانا من هنا بقول لحضرتك اذا كان الموضوع مش عاجبك الغيه واذا انا كنت شخصيا مش عاجبك وطبعا لا اعلم السبب اوقفنى وليك عليا انها ستكون المرة الاخيرة لى فى دخول المنتدى اللى انت مشرف عام فية ويهمك مصلحته

هقلك على حاجه
لو الموضوع مش عاجبنى مكنتش رديت فيه بس زواضح ان معندكش استعداد غير لانك تسمع كل من يؤيدك وبس وعموما برضه انا موقفتش ضدك

ده غير ان مفيش حاجه اسمها لو الموضوع مش عاجبنى الغيه ازاى يعنى ؟؟

انا لغيتلك موضوع قبل كدا ؟؟؟ لغيت موضوع لحد هنا الا اذا كان مخالف او فيه لفظ غير مسموح ؟؟؟؟ اتحداك لو ده حصل

وبعدين انا للأسف مش على معرفه شخصيه بيك ولا انت على معرفه شخصيه بيا
وولو كنت تعرفنى مكنتش فهمتنى غلط كدا

ده غير انى مش معقول يعنى هوقف عضو لمجرد ان ليه وجهه نظر غير وجهه نظرى مفتكرش ان حصل بينا اىىىىى مشكله تخليك تقول عليا كدا او تشوه صورتى بالشكل ده

ده غير ان اصلا مش من سلطه المشرف العام انه يوقف عضويه _ غايبه عنك المعلومه دى _ فما بالك بئى بأنى من الاول قايلك انا رديت بصفتى عضو عادى جدا وبمنتهى حسن النيه لكن واضح ان المشكله عندك انت

اقتباس :: وليك عليا انها ستكون المرة الاخيرة لى فى دخول المنتدى

بالعكس انت وجودك ينورنا ويشرفنا ونصيحه من اخ اكيد اصغر منك اللى دخل مكان لازم يكون اد الوجود فيه

اقتباس :: لأنك بهذا الاسلوب فى الكلام ستجعل الاعضاء يمتنعو عن اى نقاش وستهبط بالمنتدى كله لأن الاعضاء سيمتنعو عن دخول المنتدى لأن طريقه المشرف العام للمنتدى بهذه الطريقه مع الاعضاء

برضه انا مش فاهم ايه هو الاسلوب اللى انا اتكلمت بيه !!!
وبرضه ولمره تانيه اتحداااااااااااك انك تلاقى هنا اى عضو زعلان منى او انى كلمته بطريقه وحشه ويا ريت اللى حصل بينى وبينه موقف كدا يقول

ومعلش انى طولت عليك يعنى

والموضوع يا سيدى اهو موجود لا اتلغى ولا اتحذف ولا اتعدل فيه نص كلمه

ومتشكر لكاسبر وادمن الى ردو عنى سواء بالتأييد او المعارضه

[/size]

اولا احب اشكر Admin جدا على اهتمامه بالموضوع

ثانيا يا اخى العزيز حصل خير وانا اسف ليك اذا كنت تصورت انى حاولت ان اشوه صورتك فأنت عضو بهذا المنتدى وكل اعضاء هذا المنتدى اخوه لى وبالتالى فأنت اخ عزيز واسف اذا كنت كبرت الموضوع على حد تعبيرك ولثانى مره اسف ليك وتقبلها من اخ اكبر لك ويالا نكبر المنتدى اكتر بدون خلافات .

شكرا لك ردك وكل عام وانتم بخير

وانت طيب يا جميل

محصلش حاجه والله واحد يعنى

فى انتظار جديدك

» حاجة غريبة !!
» عندى خبر جامد اخر حاجة .............. انا جيييييت المنتدى
» معلومات غريبة ..............
» قصة غريبة في فيلا سعودية !!!!
» كراسي غريبة وعجيبة خالص